شهد موقعا التواصل الاجتماعي «فيس بوك وتويتر» سجالًا بين جماهير قطبي الكرة المصرية الأهلي والزمالك في توقعات الفريق الذي سيحصل على كأس مصر، ودشن النشطاء هاشتاج «كاس مصر لمين»، الذي تصدر تريند مصر، ليؤكد مشجعو نادي الزمالك أن "الكأس" لن يخرج من نادي الزمالك الذي فاز به عدة سنوات متعاقبة، بينما أكد مشجعو الأهلي أن الكأس سيكون أهلاويا. الزمالك قال إسلام محمد: "كاس مصر لمين.. ميت عقبة إن شاء الله"، ورد العالمي: "يارب يا عالي انصر الزمالك الغالي.. الزمالك"، وتابع عصام ابن الزمالك: "بمناسبة أن نهائي كاس مصر النهارده هما لقيوا حسين السيد ولا لسه". التكتيك والتشكيل وقال باسم شهدي: "كل من الأهلي والزمالك لديهم القدرة على الفوز بالمباراة إذا أجاد في التكتيك والتشكيل وانتهز الفرص"، وأضاف أحمد سيف: "بروح الفانلة الحمراء الكأس أهلاوي إن شاء الله"، وعلق شيكا اللوني: "أنا مش متفائل.. بس يا رب الأهلي"، ورد محمد بدر: "كاس مصر لمين.. على الفوز الليلة حارب وثقنا بكم فثقوا في أنفسكم وفوزوا من أجلنا.. الكاس يا زمالك.. الكاس يا زمالك". وتابع عمرو عبد الكريم: "كاس مصر لمين.. مش هنتكلم كتير.. والفرعون العاشق جاهز للاحتفال.. Zamalek ". الأهلي وقال مورجيمي الجيمي: "يوم نصره ليا عيد عمرى ما هكون بعيد يوم ما أبطل أشجع هكون ميت أكيد.. كاس مصر للأهلي"، وأضاف يحيى بكري: "أنا قاعد مستني الماتش من دلوقتي". وعلق نبيل الجنرال: "الزملكاوية اللي بيقولوا أن الأهلي ماخدش الكأس بقاله 9 سنين ده على أساس أنك كنت بتاخده كل سنة يعني؟!! الكأس أهلاوى". ورد محمد طارق:"كاس مصر لمين.. أنا الزمالك التاريخ يقدر يقول ما شاء بحبه لما يكون بطل وأحبه لو كان مش بطل بشجعه مهما حصل وهفضل من العشاق"، وتابعت هند صابر: "عندنا في مصر النهار ليه عينين والحيطان ليها ودنين والكذب مالوش رجلين والأهلي مستني أبو خطين". الكاس معانا وقال حسين طلعت: "إن شاء الله للمرة الخامسة قال الأهلي هيكسب قال بلا وكسة"، وأضاف محمد البنا:" إيه يا زمالك أنت عايز تكسبني وتاخد الكاس لا ده أنت تمسك الكورة بئا". وعلقت هنا أحمد: "إن شاء الله الكاس معانا النهارده...يلا يا أهلي.. الكاس يا أهلي.. فريق كبير فريق عظيم.. كاس مصر لمين.. أهلاوي يا كاس"، ورد عصام عصام: "بعون الله الكاس زمالكاوي، خلي عم مرتضى يزجطط شوية.. عشان لو خسرنا ده راجل شراني أنتم أحرار بقى».
