يوميات فاهم وفهيمه.. حلقه رقم ( 8 )

لاحظ فاهم غضب فهيمه وحزنها فسألها: مالك مش بعادة يعنى طول عمرك ضرباها صرمة ياصرمة
فهيمه: ابعد عنى النهارده أحسن لك مش ناقصاك يافاهم
فاهم: شكل الموضوع بجد خير يافهيمه فية خالتك إن شاء ودعت الدنيا
فهيمه تفرك إيديها :طيب بس لما أشوفة والله
فاهم: هو مين إللى أمة داعية علية
فهيمه: بعصبية هشام قنديل
فاهم: ومالة الراجل فاتح الهاويس بتاع الكلام على طول زى معلمة
فهيمه: الناس أكلت وشى يافاهم عملتم اية للبلد غير إنكم قسمتوها
فاهم: ماتز عليش منى يافهيمه هى دى الحاجة الوحيدة إللى نجحوا فبها الإخوان بامتياز
فهيمه: تعرف يافاهم أحيانا اكرة الإخوان أكتر منكم إحنا عندنا شويه غباء بس إيه عجب
فاهم: شوية .لكن إيه سبب القلبة دى عليهم
فهيمه: ياسيدى كنت قاعدة إمبارح مع بعض الإخوات وقالوا إن الجيران بقى يعاملوهم معاملة وحشة قوى
طيب ليه ياجماعة. كلهم قالوا إن مرسى.وبديع .وهشام.
فاهم: استغل الفرصة إيه ناوين على الانشقاق يامسهل أيوة كدة اعرفوا من حبيبكم ومن عايز يغرقكم
فهيمه: المرشد منقدرش ومرسى فى حمايتة يبقى مفيش غير هشام إللى نقدر علية ففكرنا إن إحنا نروح لهشام النهاردة ونقولة بطل كلام فاضى وإستنبة لشغلك
فاهم: هو دة إللى فكرتم فية فعلا سكت دهرا ونطق كفرا دة انا قلت هتطلعوا فى مظاهرة وتطالبوا بسقوط هشام وبعده مرسى
فهيمه: ياراجل ياطيب إحنا نطلع فى مظاهرة عشان إنتم تفرحوا فينا أنا أدعى على ابنى لكن أكره إللى يقول آمين
فاهم: فعلاحسيى الله ونعم الوكيل الله يحرقك حرقة أبو جهل إنتم مش قادرين على ...........ورايحين لل..................
فهيمه: تعاليمنا بتقول لايجوز التحدث بصوت عالى مع القيادات فمابالك بالكبير إنت نتهرج وهو إنتم فاكرين مرسى زى مبارك ممكن يكون عندكم لكن عندنا فيه اختلاف كبير
فاهم: حلو الكلام ده يعنى انتم دولة وإحنا دولة تانية خالص ومعنى كدة الإخون أسياد وباقى الشعب عبيد
فهيمه: مش كدة والإ ليه إنت لسة على ذمتى
فاهم بنرفزة: إنتى نسيتى نفسك مين على زمة مين أنا الراجل ياست مصيبة سودة لايكون عندكم الوضع مختلف
فهيمه: افهم دة إنت ظلمك اللى سماك فاهم إذاكان الزوج غير إخوانى أما إذا كان إخوانى فلة السمع والطاعة فهمت يافاهم
فاهم ويشد فى شعرة: فهمت ويارتنى ما فهمت يعني انتى ليك السمع والطاعة يانهار "ميدحوس"بس أنا أول مرة أسمع منك الكلام ده من عشر سنين
فهيمه بعد أن تضع" رجل" على الأخرى: ده كان زمان أيام ما كنا محظورين أبو عقل تخين
فاهم: يعنى كنت كوبرى
فهيمه: فية فى يوم قلت لك "لا " لكن النهاردة الوضع اختلف لازم تفهم كدة كويس
فاهم يرفع إيدية الى فوق: إلهى وسيدى ومولاى وخالقى تورينى يوم فى فهيمه والإخوان.