النشطاء يسخرون من تراجع وزير التعليم في قرار إلغاء امتحانات «الميدتيرم».. محمود: «عرفتوا ليه إحنا في المرتبة الأخيرة في كل حاجة».. نهلة: «تخبط في القرارات»..إيناس: «بيقرروا قرارات عنترية ويرجعوا فيها»

"نقفل الباب ولا نفتحه" هكذا كان لسان حال أولياء أمور الطلاب على مواقع التواصل الاجتماعي "فيس بوك وتويتر" بعد تراجع وزير التعليم الدكتور الهلالي الشربيني في قرار إلغاء امتحانات الميدتيرم لطلبة الابتدائي والإعدادي.
وأكد نشطاء مواقع التواصل أن قرار إلغاء الميدتيرم اُتخذ من قبل الوزير منذ نحو 3 أسابيع، وتحديدًا في يوم 29 أغسطس، وتم إلغاء القرار اليوم الإثنين 19 سبتمبر، مشيرين إلى أن وزارة التعليم قد تكون استجابت لأولياء الأمور، لكنها تعاني من التخبط في القرارات، حسبما جاء على حسابات نشطاء مواقع التواصل الاجتماعي.
المرتبة الأخيرة
وقال محمود عبد الغفار:"من نحو 3 أسابيع طلع وزير التعليم وقال إنه تم إلغاء امتحانات الميدتيرم للابتدائي والإعدادي واستبداله بامتحانات شهرية على أساس أن كده تطوير للتعليم. النهاردة نفس ذات الوزير رجع في كلامه ورجع امتحانات الميدتيرم على أساس إن ده تطوير للتعليم برضو. بالله عليكم ده وزير ينفع يمسك أهم وأخطر وزارة في مصر. عرفتم ليه إحنا في المرتبة الأخيرة في كل حاجة...".
وأضافت إيناس علام:" التعليم تتراجع عن إلغاء امتحان الميدتيرم.. بيعجبني المسؤولين اللي بيفتحوا صدرهم ويقرروا قرارات عنترية ويرجعوا فيها.. جودة جودة ما فيش كلام".
وعلق ناصر يوسف:"التعليم: إلغاء امتحان منتصف الفصل الدراسي بالابتدائية والإعدادية.. التعليم تتراجع عن إلغاء امتحان "الميدتيرم.. أي حكومة دى وأى قرارات من غير أي دراسة... فاشلون"، وتابعت مها الجمل:"يلغوا أي حاجه مش فارقة...".
قرار شامل
وقالت فاطمة خليفة: "التعليم تتراجع عن إلغاء امتحان الميدتيرم لحين إعداد قرار جديد شامل ومستوفي كافة البنود"، وأضاف كابتن وائل النجار: "مرة مافيش ميد تيرم... ومرة تانية في ميد تيرم.. المرادى تنزل لكن المرة الجاية مش ممكن أبدا"، وعلق إيمو مادين قائلا: "وزارات فاشلة ارتجالية لا تستطيع أخذ قرار مسئول".
وردت جيهان دياب: "احنا احترنا.نفتح الباب ولا نقفله"، وتابعت نيمو صلاح:" التربية والتعليم تتراجع عن تطبيق قرار إلغاء امتحانات 'الميدتيرم.. المهم ابقو بلغونا رسيتو على أيه".
تخبط
وقال يسري الصاوي: "تخبط تخبط ولا عزاء لاولياء الأمور"، وأضاف كوكي المصري: "التعليم تتراجع عن إلغاء الميدتيرم.. مبروك أولياء الأمور والطلبة وراحة للمعلم"، وعلقت فاطمة الزريقي: "إذا لم يكن هناك نظام.. فلن يكون هناك تقدم"،وتابعت رشا جاد: "هو لعب عيال؟!"، وردت نهلة عمار:"تخبط في القرارات بجد".
التراجع
وقالت ولاء محمد: "هما بيتعلموا في ولادنا بجد طالما قرار مش مدروس بيخرجوه ليه"، وأضاف توما بوب: "طب ماكان من الأول ليه تخلي شكلك وحش... حسبنا الله ونعم الوكيل فيكم مش لاقيين حاجه تعملوها قاعدين تلعبوا، المشكلة إنكم بتلعبوا بأعصاب الناس منكم لله".
وعلق أبو ياسين:"كل الوزراء بياخدوا القرار النهارده ويرجعوا فيه تاني يوم... "، ورد عمرو ممتاز: "التعليم تتراجع عن إلغاء امتحانات الميدتيرم! والله ولا اللى بيلعبوا الكراسى الموسيقية... قرر تراجع قرر تراجع.. طالما التراجع دة in puplic ومافيهوش أي feelings يبقى so what".
وتابع أشرف زيان:"اللي ملاحظه من يوم ماتولدت وأي وزير للتعليم في مصر كل اللي بيعمله يلغي قرار الوزير اللي قبله يعني وزير ينزل سنه 6 ووزير يلغي وهكذا حقيقي أنه وزارة التربيه والتسريب وعشان كدا مصر في المرتبه 135 قبل دولة غينيا ولاعزاء للعلم في مصر...".
شريف حشيش: "التعليم تتراجع.. الإبقاء على امتحانات الميدتيرم هذا العام بناءً على استطلاع راى أولياء الأمور.. صفحات فيس بوك لأولياء الأمور المتمردين على المناهج فرحانين إنهم قدروا يرجعوا الوزير في قراره.. تحس إنك عايش في مستشفى المجانين.. هو القرار كان ليه؟ وأولياء الأمور رفضوه ليه؟ والوزارة رجعت فيه ليه؟ نفهم الموضوع ببساطه.. أيه هو امتحان الميدتيرم؟.. ده امتحان ربع سنوى.. يعنى مثلا الترم الأول.. فيه ثلاثة امتحانات شهور وامتحان ميدتيرم وامتحان التيرم بإجمالي خمسة امتحانات.. المفروض إن إلغاء امتحان من الخمسة ويبقوا أربعة بس.. ده تخفيف من الضغط على الطلبه وأولياء الأمور.. تحس أن الموضوع ماشى...".