"اكتب اللى نفسك فيه" على "حساب" الإخوان .. هاشتاج جديد ب"تويتر" لتقييم حكم الجماعة.. حكيم: فاشلون.. زهدى: معندهمش أشخاص ناجحة.. نرمين بدير: فشلوا فى 8 شهور

"اكتب اللى نفسك فيه وسمعنا فشلوا فى إيه".. هكذا كانت بداية الهاشتاج الجديد، الذى أطلقه نشطاء موقع "تويتر"، اليوم الخميس، والذى يحمل اسم "إخوان فاشلون"، حتى يكون متنفسًا جديدًا يرصدوا من خلاله فشل جماعة الإخوان المسلمين، فى إدارة حكم البلاد، حيث تعددت أوجه ومظاهر فشل الإخوان فى تعليقات النشطاء.
وفى إطار ذلك قال حكيم تويتر، فى تعليق بالهاشتاج: "إخوان فاشلون لأنهم لسه ماخلصوش ع النشتاء الفشلة".
وأضاف إسماعيل زهدى: "ليه تنتخب شخص مدام ممكن تنتخب مشروع؟ هم أصلا معندهمش أشخاص ناجحة وهم عارفين كده فقالوا للناس تنتخب مشروع وطلع فاشل زيهم". وتابع "الأول يقولك لازم فصل بين السلطات .. وأول ماالنائب الملاكى بتاعهم يطير يقولك الفصل بين السلطات يبقى فى بلد مستقرة مش مصر!".
بينما قالت الناشطة السياسية "نرمين بدير": "فشلوا ف 8 شهور فى الحفاظ على قاعدة مؤيديهم ناهيك عن توسيعها". وأضافت "فشلوا فى وضع اى خطة لسياسة تميزهم.. آخرهم يتباهو بافتتاح مشروع مخطط له سلفًا.. مفيش ملمح من سياسة".
ومن ناحيتها، ذكرت هند ثابت: "إخوان فاشلون وسيشهد التاريخ أنه الفشل نتيجة قمة الغباء". أما تامر أبو عرب، فأوضح :"الحاجة الوحيدة اللى نجحوا فيها هى إنهم فشلوا".
واستطرد أحمد شرف: "فشلوا فى تحقيق شعارهم الانتخابى" قوتنا فى وحدتنا". فشلوا فى الحفاظ على مؤيديهم فى الانتخابات بل على العكس انقلبوا جميعا ضدهم !". مضيفاً: "فشلوا فى تحقيق أى من وعودهم سواء بدستور توافقى او حكومة انقاذ يرأسها شخصية عامة كبيرة. فشلوا فى ابعاد الفسدة عن مواقعهم".
وأوضحت "سارة": "فشلوا على جميع المستويات، سواء كان فى الدعوة ولا السياسة حتى كمان فشلة كمستبدين!!". بينما قال أحمد جودة: "بيحاولوا يكدبوا كعادتهم وينسبوا استثمارات سامسونج فى مصر ليهم، وده مش صحيح".
كما قال "عمرو خالد": "فشلوا فى انهم يحافظوا على ال 7 مليون صوت اللى خدوهم فى الانتخابات زيادة عن ال 5.5 مليون خروف بتوع اول مرحلة".
فى حين أشار "حسن" إلى: "كفاية أنهم بيطبقوا الخطة الخمسية الفاشلة للجنة السياسات بحذافيرها مع تغيير المسميات". وأضاف "لإنهم خلوا الناس تقول ولا يوم من أيام مبارك وناس عايزه العسكر يرجع وناس بتقول على شفيق محترم ..." .
وتابعت "سارة أيوب": "ودايما يدوروا على اى حاجه يرموا عليها فشلهم مرة الاعلام ومرة المعارضه ومرة التويتات والمنشنات" ، "قعدوا 80 سنة يخططوا ازاى يوصلوا للحكم !! .. و من كتر غباءهم نسيوا يفكروا لما يوصلوا هيحكموا ازاي؟.
أما مروان عزيز، فأكد : "فشلوا فى انهم يكرهونا فى حاجتين " الثورة .. وربنا" . وعلق "أنور" قائلاً: " لا سياحة ولا اقتصاد ولا سولار ولا أمن ولا عيش ولا حرية ولا عدل ولا حتى دين !" .