مدونون : "جبهة الانقاذ" تتبرأ من نفسها !!

" الطريف أن المتحدث باسم جبهة الإنقاذ صرح أنهم سيخوضون الإنتخابات باسم غير اسم الجبهة لأنه تشوه ، قلبي الصغير لا يحتمل".. تعليق ساخر تفاعل به المغرد احمد عزت مع اعلان المتحدث باسم جبهة الانقاذ الدكتور عماد جاد خوض الانتخابات البرلمانية القادمة تحت قائمة موحدة وباسم غير اسم الجبهة ...
وعبر مواقع التواصل الاجتماعي فند النشطاء تضارب التصريحات والمواقف للجبهة فقال سيرجو المصري:" هو ازاي جبهة الخراب تقوم بحملة تمرد لإسقاط الإخوان وبعدين يشاركوا في الانتخابات البرلمانية بتاعت الإخوان؟!"
مها مصطفي:"خلوها السبت على شان يوم الاثنين عندى اجازة فى الشغل وهبقى مش فاضى بالله خليكم فى حملة تمرد احسن جايز تخده الدرس"
صائد الفلول:" جبهة الخراب عاملة زى القماش اللى اسمه ""أسكت مسكتش"" نفتح الشباك ولا نقفله.. زى اللى عاوزة مش عارف ايه وخايفة مش عارف من ايه"
محمد محمد:"كالعادة تسبون شعب مصر و تصفوه بالجاهل و الاقل تعليماً , لذا فشعب مصر لم و لن يحترمكم و لن يعطيكم مرادكم من الوصول الي الكرسي يوماً"
احمد الشواف:"لن نشارك في انتخابات في ظل حكم مستبد وحكومة اخوانية عايزين حكومة محايدة , وكل اللي ماشيين وراهم ايوه ايوه لن نشارك هيا دي الثورية ..دلوقتي: سنشارك فالأنتخابات , اللي ماشيين وراهم ايوه ايوه هنشارك عشان نواجه اخونة الدولة , وكأن ثورة لم تقم "
محمود جلال:"احلي حاجة في جبهة الخراب انها هي اساسا مش عارفة عايزة ايه"
علياء زين:"لازمته اي التنطيط واللف والدوران طالما ارتضيتوا الاحتكام للصندوق؟ لو مرسى ديكتاتور كان اتعتقلكم"
عبده جمال:"جبهة فاشلة بمليون رآى واذا كان الخبر داصح ف دا رهان على انهم قدروا يكسبوا شعبية من تشوية الاخوان بكره هيخسروا الانتخابات وهيقولوا مزورة والله"
عادل جابر:" هم هيترشحوا لابسين طاقية الاخفا يعنى ايه لن تكون تحت اسم جبهة الإنقاذ؛ لأن الجبهة خلاص تشوهت يعنى هم لو اترشحوا باسم تانى مش هيبقوا معروفين ايه العبقريه ده؟؟؟
مسلسل التبرأ
هذا فيما اهتم فريق من نشطاء موقع "فيس بوك" بالتعليق علي مااسموه "تبرأ الجبهة من نفسها" حيث كتب محمد هارون:"ياربي حتي الجبهة تبرأت من نفسها المتحدث باسمها بيقولك اسم الجبهة تشوه وموش هننزل الانتخابات تحت اسمها، طب مسالش نفسه تشوه ليه!.. يبصوا شوية علي عمايلهم المهببة"
وقال معتز متقال:"اذا كان اصحابها اتبروا منها ازاي الناس هتنتخبهم الناس دول مبيفكروش ولا ايه، بسيطة مسلسل فشلهم هيتكرر ان شاء الله في الانتخابات دي وهتكون اخر صفحاتهم السياسية ويبطلوا يخربوا ويبلطجوا بقي"
سارة فؤاد:"احدث افلام الموسم: جبهة الانقاذ بتقول ان اسمها اتشوه، اتشوه من ايه يا حبايبي، هل من التخريب ام من دفع فلوس للبلطجية ولا ميكنش من الهجوم علي مقرات الاحزاب ولا مثلا يكون من تناقض الكلام يقولا حاجة وبعدها بشوية يقولوا عكسها، ولا مثلا من قادتهم المتلونون!!"
هالة جمال:"باسم غير اسمها في الانتخابات طب وعلي ايه مش كنتوا قلت مش هنشارك كان افضل لكم علي الاقل هتداروا عيبوبكم!"