"أنا أحرض على حرق مقار الإخوان".. هشتاج يرفض التحقيق مع 169 ناشطا سياسيا.. المواطنة X : يا نعيش عيشة فل يا نموت إحنا الكل.. إبراهيم: ما دام البلد مافيهاش قانون يبقى كل واحد يحرض على الجنب اللى يريحه

دشن نشطاء تويتر "هاشتاج" يعبرون فيه عن اعتراضهم على قرار النائب العام بضبط وإحضار النشطاء "علاء عبد الفتاح، أحمد دومة، كريم الشاعر، وحازم عبد العظيم"، واستدعاء الناشطة نوارة نجم، وتبعه قرار آخر باستدعاء 169 شخصية بتهمة التحريض على حرق مقار الإخوان وأحداث المقطم.
وحمل الهاشتاج اسم "أنا أحرض على حرق مقار الإخوان"، حيث ذكر أعضاء الهشتاج أسباب تحريضهم على حرق مقار الإخوان.
فمن جانبها قالت المواطنة X : "يا نعيش عيشة فل يا نموت إحنا الكل".
وقالت نيرمين بدير: "النائب العام يقعّد بقى قاضى من قضاة من أجل مصر يتفرغ ويسجل أسامى اللى بيكتبو ع الهاشتاج دا.. هع".
ياسمين محفوظ: من أجل استمرارية الثورة ومن أجل إنجاحها".
بينما يقول الإشتناركى: "أنا_أحرض_على_حرق_مقار_الإخوان، إذن أنا موجود".
مصرى 2011: "أنا_أحرض_على_حرق_مقار_الإخوان.. عمرى ما كنت بحرض.. لكن ما دامت الحكاية هتبقى قلة أدب وافترا، وتفرقة فى التعامل.. إذًا فبها ونعمة.. أنا معهم".
فى الكون وحيد: "أنا_أحرض_على_حرق_مقار_الإخوان.. وفيها إخوان مش فاضية كمان".
وفى تغريدة أخرى: "إحنا تعبنا فى الثورة دى وشوفنا أصحابنا وإخواتنا بيموتوا، حنسيبها وحنحرق وحنكسر؟ مرسى هو مبارك".
صائد الخرفان: "هشتاج يجمعنا كلنا يا... عام علشان ماتتعبش نفسك.. قال تحريض قال.. هع".
طلال: "علشان فيروس الإخوان مينتشرش أكتر من كده، ونتحول جميعًا لخرفان، الحرق هو الحل".
شادى: "أنا_أحرض_على_حرق_مقار_الإخوان.. يابخت من حرق مقرين فى الحلال".
AnaTa7riry : "أنا_أحرض_على_حرق_مقار_الإخوان.. أهو لو كان حرام أهو أدينا بنحرقه، ولو كان حلال أدينا بننوره".
فيلسوف البلطجية: "أنا_أحرض_على_حرق_مقار_الإخوان .. لأن النظافة ... من الإيمان".
محمد إبراهيم: "أنا_أحرض_على_حرق_مقار_الإخوان.. ما دام البلد مافيهاش قانون.. يبقى كل واحد يحرض على الجنب اللى يريحه".
Smurfy smurfette : "لأن الإخوان خلقوا عنصرية..أنا أصبحت سطحية ومش طايقة الدقن والنقاب، مع إنى محجبة على فكرة".. وفى تغريدة أخرى: "من علّم الشعب حرق الأقسام ومقرات الوطنى لازم يعرف إنهم دلوقتى تفوّقوا عليه..أنا ضد كل ذقن ونقاب فى البلد ديه".
كبير بنى ليبرال: "بس بجد المرة دى أنا ضد حرقه وهما مش جوه".
الرئيس محمد مرسى: "إنتوا يا بتوع أنا_أحرض_على_حرق_مقار_الإخوان.. السبب الرئيسى فى أزمة السولار الراهنة بتبنيكم هذه الدعوات وأنا أحملكم المسئولية كاملة".
aellateef : "أنا فى حياتى مشفتش غباء كده, يعنى تسرق ثورة، لأ ومش بس كده، تسجن أصحابها !!!! بجاحة...".
بلاك بلوك وأفندينتا: "طالما إنهم لا زالوا جماعة محظورة بقوة القانون رغم إنهم امتلكوا وزير العدل والنائب العام وعدة مستشارين".
د.عبد الله: "بذكاء شديد قرر المصريون عمل الهاشتاج ده لكسر إرادة أى شخص يتوهم إنه يستطيع كتم أفواههم، هيقبض على كل دول إزاى؟".
KareemFarid : "لأن مبارك هيخرج كمان كام يوم ومرسى عايز يحبسنا مكانه".
Provigil : "أسوة بمقار الحزب الوطنى.. كلها رمز للتخلف والغباء والشرور على الأرض".
Nadimx : "عشان أنا كيوت ومش بحرق حاجة بنفسى".
محمد فاضل: "عشان جيكا ونجيب والحسينى وكرستى والجندى والشافعى"، وفى تغريدة أخرى: "عشان مش هيحكمنا حد ماسك لنا الكرباج تانى".
محمد عيسى: "مقارتكو أصغر من مقارات الوطنى، والغضب عليكم مايقلش عن الغضب اللى كان عالوطنى".
basmanashwan : "أنا_أحرض_على_حرق_مقار_الإخوان.. المهم وهى بتتحرق تحطوا فيها بخوور عشان الريحة هتبقى بشعة صوف وخرفان يييييييييييييييييييييييييييييييييع".
mahmoudhassp : "أنا بكره العنف، لكن مش هسيبكم تتحبسوا لوحدكم، معاكم يا معلمييين".
فتحى: "اللى يولع فى مقر للإخوان يتبنى له مقر فى الجنة إن شاء الله فتوى شرعية منى".