بالصور.. أطرف محاولات الانتحار.. رندا: «نطيت من الشباك».. نور: «كتمت نفسي 5 دقايق».. سارة: «خدت علاج ماما».. داليا: «أكلت طباشير».. ميلاد: «شربت صابون».. وروان: «حطيت راسي في المية»

روى مستخدمو موقع التواصل الاجتماعى "فيس بوك" محاولات الانتحار الفاشلة التي خاضها بعضهم، وذلك من خلال إيفينت يحمل اسم "احكيلنا محاولات انتحارك الفاشلة".
- نطيت من شباك
قالت رندا: "كنت بحاول الانتحار ونطيت من الشباك من الدور الأول على بعد متر واحد من الأرض، لكن للأسف وقعت اتكسرت وأربطة رجلى تمزقت.. ومش هحكى تفاصيل أكتر من كده".
- كتمت نفسي 5 دقايق
وأضافت نور:"اكتم نفسي لمدة 5 دقايق أول ما تخنق اتنفس وأرجع تاني".
- خدت علاج ماما
وروت سارة: "قعدت آخد في حبوب من العلاج بتاع ماما ماعملش أي حاجة كان سيدوفاج.. وسيدوفاج دا بيخسس جت مصلحة".
وقالت هاجر:"أنتحر أنا واتشوي في جهنم وفي قبرى واللى انتحر بسببهم يناموا بقي تحت التكييف ويتفسحوا ويعيشوا حياتهم ويبقالهم الجنة كمان في الآخر.. لا مش لاعبة".
- برشام مخ وأعصاب
وأضافت روضة ضاحكة: "ضربت شريط برشام مخ وأعصاب وأنا في إعدادى بس سبت حبة واحدة.. مصحتش إلا تاني يوم في العناية المركزة ومركبين ليا أجهزة.. اللى ربنا ستره بيفضح نفسه".
وقال ميلاد: "شربت صابون وبريل".
- برشام ريجيم
وأضافت أمنية: "مرة اتخانقت مع بابا وقولت لا خلاص أنا لازم أموت أنا وجودي خسارة فيهم.. روحت داخلة جايبة علبة برشام واخدة الشريطين كاملين وعرقت بقي واصفريت وجابولي الدكتور والعيلة كلها اتلمت بقي عشان تشوفني وأنا بحتضر.. والدكتور جه اكتشف أنه برشام ريجيم.. ومش بيعمل أي حاجة أساسا عادى جدا.. شكلى كان زبالة قدامهم الموتة باظت".
وروت شيماء: "خدت شريطين برشام منوم صحابي قالولي الواحدة منه بتنيم يومين أنا قلت طبعا شريطين هيموتوني نمت 4 ساعات وصحيت عادي يعني ولا أي حاجة".
- أخويا كتم نفسي
وقالت ميمي: "أنام في الصالة على الأرض.. وأعمل نفسي ميتة.. قوم ربنا يبعتلى حد من اخواتي يكتم نفسي عشان يتأكد بمثل ولا بجد وافرهد في إيده مش مشكلة والله ربنا نجاني يبقي كنت بمثل، مت في إيده يبقي كنت ميتة، وده مش تمثيل، تقريبا مكنش لسه اخترعوا النبض".
وأضافت نور:"وأنا صغيرة طلعت كل حاجة من التلاجة ودخلت جواها وكل محس بسقعة اطلع شوية وادخل تاني".
- حطيت راسي في المية
وتذكرت روان: "كنت في 3 ابتدائي وشفت فيلم قديم كان بيعذبوا المساجين وبيحطوا راسهم بيغرثوها في بتاعة مليانة مية زي الهنيدي في وش إجرام لما كان بيغرق أمه.. عملت كدا على الضيق جبت أكبر حلة ومليتها مية وحطيت راسي وتخيلت كام دقيقة هتخنق وأموت لكن فعلا كام دقيقة وخدت قلم على قفايا وخلاص، وأنا والمطبخ بينا علاقة عكسية من يومها".
وقال جو: "حالتى النفسية كانت متدهورة جدا.. في الأوضة لوحدى وقررت الانتحار مفيش طريقة للانتحار إلا كنز البيبسي للى قدامي المهم قررت أشربها شربتها.. كان طعمها حلو جدا فقررت أجيب واحدة تانية وصرفت نظر عن الانتحار مؤقتا".
- كلت طباشير
وأضافت داليا:"أكلت طباشير وأنا في ابتدائي ومعرفش إيه اللى كان تاعبني في حياتي ساعتها للدرجة دي.. بس الواحد كان عنده بعد نظر بردو".
وروت ريم :"وأنا عندى 6 سنين بوظت الريسيفر وخفت أوى من بابا وماما يضربوني فقررت أموت نفسي.. قمت داخلة تحت اللحاف وكاتمة نفسي وقولت حفضل كده لحد ما اتخنق وأموت، وطبعا معرفتش لإنى كل ما اتخنق كنت غصب عنى آخد نفس، قعدت كدة ربع ساعة لحد ما استسلمت للأمر الواقع وواجهت ماما بشجاعة".