بالفيديو.. مديحة كامل تروي ذكرياتها مع رمضان في لقاء قديم

في فيديو قديم من برنامج "ذكريات رمضان" تحدثت الفنانة الراحلة مديحة كامل عن ذكرياتها مع شهر رمضان الكريم، وقالت: إنه شهر ارتبط لديها بذكريات جميلة في طفولتها بالإسكندرية.
وتابعت "كان كل شغلتى إنى أخد الفلوس والعب بالفانوس واستنى العيد، رمضان يعنى إسكندرية وشوارعها اللى دايمًا مليانة بالأنوار والمساجد المتزينة وبتوع الكنافة والقطايف"، وأكدت أنها تحب الفانوس وكانت حريصة على شرائه دائمًا حتى عندما كبرت.
وعن الأعمال التي تعرض في رمضان قالت "دايمًا الإعداد لأي عمل لرمضان بيبقى فيه توتر وقلق واهتمام خاص، لأن في رمضان الجمهور كله بيبقى عنده حب إنه يتمتع بالتليفزيون، وكنت بقول ياريت طول السنة رمضان عشان نبقى مهتمين كده".
وبرنامج "ذكريات رمضان" من تقديم سوزان حسن وإخراج شكرى أبو عميرة.