النشطاء يحاربون الفتنة بهاشتاج «مصر نسيج واحد».. صليبو: المسلم طلع انتقد اللى حصل قبل المسيحى.. هشوما: حمي الله مصر وشعبها.. أسيل: أرض واحدة هم واحد.. محمد: محدش فينا عارف جده كان مسلم ولا مسيحى

دشن نشطاء بموقع التواصل الاجتماعي "تويتر" هاشتاج "مصر نسيج واحد"، لنزع الفتنة من جذورها، ليحتل مركزًا متقدمًا في تراند مصر على تويتر.
وأكد النشطاء من خلال الهاشتاج أن المصريين نسيج واحد يصعب التفريق بين دماء المسلمين والمسيحيين التي تسيل على أرض مصر، كما أن الدموع التي تنزل من عيون المصريين يصعب التحديد ما إذا كانت لمسلم أم مسيحي.
فتنة
قال صليبوو: "مصر نسيج واحد صدقونى ما حصلت فتنة أبدا ولا هتحصل والمسلم طلع انتقد اللى حصل قبل المسيحى يبقى إيه فتنة اللى بيحاولوا يزرعوها دى".
وأضاف وليد: "مصر نسيج واحد الكلام دا من زمان اوي اسألوا سينا تقدري تفرقي بين دم محمد ولا مينا... كلهم مصريون".
وعلق هشوما أحمد: "وأنا كمسلم.. كنت بحب اسمع قصة حياة البابا شنودة إنسان مصري بطعم الحياة المصرية وليه مواقف جميلة. حمي الله مصر وشعبها مصر نسيج واحد.. كتجربة شخصية كنت بروح الكنائس، وهو في أجمل من صوت المعلم إبراهيم عياد وهو يشدو الترانيم داخل الكنيسة".
ورد أحمد برقوق: "طبعا أحلى بلد.. أنا بصراحة مش متخيل نفسي لو أي جنسية تانية مصر نسيج واحد".
وتابعت توتا بوب: "مصر نسيج واحد لماتسمع شادية بتغنى يا حبيبتي يا مصر الدموع بتنزل من عين الكل".
وقال جمال السنباطي: "مصر نسيج واحد.. عندما نلغي بيت العيلة ونمنع جلسات الصلح العرفي ونمنع السلفيين والإخوان من اعتلاء المنابر ونطبق القانون على المتطرفين من الجانبين".
وأضافت الوردة الجميلة: "مصر نسيج واحد عشان لما السيسي راح الكاتدرائية عشان يهني رد عليه مواطن جوه وقاله حصوة في عين اللي مايصلي على النبي وهي دي مصر".
ورد إبراهيم علاء: "مصر نسيج واحد في رباط إلى يوم الدين، وكفاية إن ربنا هو اللي حارسها بنفسه، والمفروض نفتخر بهذا، وهذا يدل إن إحنا أحسن بلد عند ربنا سبحانه وتعالي".
وعلقت سيمبا صقر: "مش بالكلام بالفعل ارتقوا بقي.. إحنا بنهاتي وربنا ولا حد بيسمع. الأخلاق ثم الأخلاق ثم الأخلاق.. مصر نسيج واحد"
وتابعت أسيل جوري: "مصر نسيج واحد.. مسيحيون ومسلمون أرض واحدة هم واحد... ما كلنا مصريون".
وقال أسامة عواد: "مصر طول عمرها نسيج واحد لحد ما ظهرت الوهابية والأفكار التكفيرية خلوا إيدينا في إيد بعض نرجع مصر زى زمان.. مصر نسيج واحد".
وأضافت نسمات عطرة: "مصر نسيج واحد يارب احفظ مصر من كل شر.. مصر مفيش فيها مسلم ومسيحى مصر فيها مصريون"
وعلق كمال الشريف: "مصر نسيج واحد.. ماتبكيش ياأمى..ابوس رجلك قبل رأسك ماتبكيش.. اللى عمل كده ده مش من دينى ولا من بلدى.. حقك علينا كلنا".
ورد محمد عبده: "مصر نسيج واحد من فتح عمرو بن العاص لمصر ليومنا هذا، ومحدش فينا عارف جده كان مسلم ولا مسيحى".
وتابع جمال سعد: "الشعب المصري صاحيي.. وهو حائط صد.. الفتنة لن تفلح إخوان الشيطان هنا القاهرة.. مصر نسيج واحد".