شلاليت

كل شوية كلام في كلام
إن الدنيا زحام في زحام
عايزين يبقى الفكر تمام
بطلوا هيصة الكذب حرام
00000000
التخطيط مش هيصة وزفة
أو تصاريح للبعض وحرفة
كل الناس مشغولة وعارفة
عايشه في وسط الزحمة ولفَة
00000000
يبقي مافيش لأزمة لحركات
بتسبب للناس أزمات
والتصاريح من كل جهات
افتح شوف كل القنوات
000000
تلقى وزير بيقول تصريح
بكلام حلو جميل ومريح
ويقول.. بس بدون تلميح
فيه أزمات تعصف كالريح
0000000
ووزير تاني يقول فيه خير
ربك يرزق حتى الطير
إحنا أملنا ياشعب كبير
بس أكيد مطلوب تغيير
0000000
أنا محتاج خطة بأرقام
لها برنامج له أحكام
ولتنفيذه فيه إلزام
لو حتحقق لي الأحلام
أضرب لك ميت ألف سلام