في الحكاية حاجة حلوة

رغم أحداثها الحزينة
في الحكاية
عشق مش محسوب علينا
قصه غير كل القصص
حب منزوع الفرص
بعد بيقوى الحكاية
قرب... كل ما زاد.. نقص
نظرة فضلت نظرة أولى
وابتسام ما بقاش ميعاد
رمش مش قد البطولة
قلب مش حمل البعاد
ابتدينا من النهاية
وانتهينا من البداية
شاور الحب ل طريقنا
بس ما دخلش الحكاية
ع الحدود ماشيين ب خوف
والكلام مشتاق حروف
والإيدين ممدودة.. لكن
الشقوق مالية الكفوف
باعترف
ما اقدرش أنكر
الغرام محتاج لقوة
بس رغم الضعف أكتر
في الحكاية... حاجة... حلوة