«محدش نزل» يشهد مشادات بين النشطاء على «تويتر».. محمود: هما بيلعبوا استغماية.. أحمد: علشان غطرسة القوة.. إسراء: الشعب ده كياد بطبعه.. أشرف: الغيث يبدأ بقطرة.. محمد: الحمل تقيل والشعب مبيشتغلش

شهد هاشتاج "محدش نزل" حالة من المشادات الكلامية والسخرية بين المؤيدين والمعارضين للتظاهر ضد اتفاقية ترسيم الحدود بين مصر والسعودية، ليحتل مركز متقدم على تراند مصر، حيث سخر البعض من عدم التواجد في الشوارع، بينما أرجع آخرون أن عدم التواجد نتيجة غلق الميادين واعتقال الشباب.
بيلعبوا استغماية
قال محمود ميلاد، "حد ليه شوق في حاجة هما بيلعبوا استغماية وحيطلعوا بعد اليوم ما يخلص.. محدش نزل"، وأضاف الباشا الكبير "محدش نزل طب معرفش اقول إيه يمكن ربنا هداكم ولا عرفتوا حجمكم".
وعلق ميبو 2030، "طلبات الثوار افتحوا المياديين خفضوا درجة الحرارة خلوها تمطر.. محدش نزل يا جماعة ساعدوهم ميصحش كده"، وتابع أحمد سلامة، "محدش نزل علشان غطرسة القوة".
تقلق بس لو دخلوا ميدان التحرير
وقال مصطفى بوجا زملكاوي، "التايم لاين ناس بتتخانق الثورة مستمرة.. محدش نزل... سايبين ماتش روما ونابولى وبيتخانقوا".
وأضاف هشام أحمد "تقلق بس لو دخلوا ميدان التحرير...غير كدا شكليات محدش نزل عيد تحرير سيناء"، وتابع خالد محمد "ننزل يقولوا هنهد الدولة مننزلش ونفكس يقولوا محدش نزل ويعملوا هاشتاج.. أهلا بكم في جمهورية كيدا العزال أنا من يومي. محدش نزل"
شعب كياد
وعلقت رانيا رانيا، "المؤيديين رافعيين علم السعودية! انتوا مش مكسوفيين طاايب خليكوا كده.. محدش نزل"، وردت إسراء سعد "الشعب ده كياد بطبعه المصريين نزلوا يحتفلوا قدام نقابة الصحفيين معلش بقى أصل النهاردة عيد تحرير سيناء وبرضه لازم نقول إن محدش نزل".
أشكال عجيبة
وقال سحس بوند، "محدش نزل يعنى أنا صرفت 20جنيها على اللب والسودانى علشان استمتع وفى الآخر محدش نزل... ميصحش كده".
وأضاف سعيد ناصر "كده أطمن بقى وأنام صحينى ياما لما ينزلوا يابنى هتنام كتير.. محدش نزل"، وعلق مصري "محدش نزل لا مين قال..فين ناس نزلت أشكالها عجيبة في حراسة... رافعة صور علم السعودية واللقطة اتسجلت ومتشكرين لتعاونكم".
الحمل تقيل
واستكمل زوما الزملكاوي، " مش معنى إن محدش نزل إننا راضييين... كتير مصريين زيى خايفين ينزلو يتقتلو بدم بارد"، وتابعت دودو ميرو "إيه كلنا بنحب جيشنا ورئيسنا لأنهم تاج على رؤسنا.. محدش نزل".
وقال محمد المملوك، "محدش نزل.. ولا حد هينزل أصلا بلاش وجع دماغ وقرف احنا استكفينا البلد مليانة.. والحمل تقيل وشعب أصلًا متقاعس ومبيتغلش".
وأضاف أشرف سليمان عواض، "محدش نزل مش مشكلة المرة دى يبقى العدد ضعيف دايما الغيث يبدأ بقطرة ليل الظلم آخره نهار انتصار الثورة".