نشطاء يرفضون الاستفتاء على ضم «تيران وصنافير» للسعودية.. عمرو واكد: الاستفتاء ممنوع والزعل مرفوع.. سمسم: لا استفتاء على الأرض.. داليا: مش هنكرر الغلطة. وعلي: «الورقة اللي مضيتوها تبلوها وتشربوا ميتها»

حالة من الرفض العارم بين صفوف نشطاء مواقع التواصل الاجتماعي "فيس بوك وتويتر" للاستفاء على ضم جزيرتي "تيران وصنافير" للمملكة السعودية، ودشن النشطاء المصريين هاشتاجين أحدهما بعنوان "الاستفتاء مرفوض" والثاني بعنوان "لا استفتاء على الأرض"، عبروا فيهما عن رفضهما البات لإجراء استفتاء على نزع الأرض من مصر، مؤكدين أن الاستفتاء بمثابة إقرار بحق المملكة في أرض الجزيرتين.
كفاية استفتاء
رفضت داليا رفعت، الاستفتاء، قائلة" "لا استفتاء على الأرض.. كفاية استفتاء مارس، مش هنكرر الغلطة تاني"، وأضاف على العزبي: "لا استفتاء على الأرض.. الورقة اللي مضيتوها دي تبلوها وتشربوا ميتها، الجزيرتان مصريتان ومش هنفرط فيهم وأصلًا الدستور بيمنع التفريط في الأرض.. الورقة دي هي والعدم سواء، المظاهرات مش عشان نطالب باستفتاء، المظاهرات عشان يتراجع نهائيًا عن الفكرة".
وعلقت وفاء سالم: "أخطر ما في الكلام اللي داير إنه تم إخلاء تيران بالفعل! لو حقيقي تبقى كارثة.. لا استفتاء على الأرض.. أنا لا أثق في نتائج أي استفتاءات أو انتخابات أصلا".
ورد محمد نبيل: "هو أنا ينفع أجي أطردك من بيتك وأقولك نعمل استفتاء عشان نرجعك ليه أو لا.. لا استفتاء على الأرض.. الاستفتاء مرفوض".
الاستفتاء ممنوع
وكتب عمرو واكد: "الاستفتاء ممنوع والزعل مرفوع.. لا استفتاء على الأرض"، وأضاف محمد رفعت: "هناك من يفكر في استفتاء على مصرية الجزيرتين لكنهم لا يملكون هذا الحق الأرض مصرية ويحب تسليمها للجيل القادم كاملة.. لا استفتاء على الأرض".
وعلقت سالي سليمان: "هي كلمة واحدة تيران صنافير جزر مصرية اللي عليه يثبت عكس ذلك هو السعودية وعندها المحاكم الدولية اللي موافق يعمل ريتويت ونركز شوية تمت.. من يقر الاستفتاء هي نوع من الإقرار الضمني لعدم ملكية الأرض الاستفتاء مرفوض"، ورد علاء الدين:"مش حنسيب أرضنا والاستفتاء مرفوض وتيران وصنافير مصرية".
أنا موافق
وقال سمسم كابا: "الاستفتاء مرفوض أنا موافق على الاستفتاء ونبدأ بالمنوفية"، وأضافت داليا وش: "ماحدش بيملك قرار بيع وطن.. الوطن للجميع.. للأجيال اللي راحت واللي لسه جاية.. الاستفتاء مرفوض".
وعلق أحمد: "بصوا بقي من الآخر وتيران وصنافير دول أراضينا ومضيق تيران بتاعنا..وياعم اللي يفرط في أراضينا يبقي مش مننا...الاستفتاء مرفوض"، وتابع أحمد طه: "هنعمل استفتاء على دم أجدادنا اللي الأرض ارتوت بيه، احنا وصلنا للمرحلة دي.. الاستفتاء مرفوض"، ورد هليوبوليس وان بقوله: "الاستفتاء مرفوض بعد العيد ما بيتفتلش كحك، وبعدين هو حد بيستفتي على حاجة بتاعته أصلا".