سما المصرى: «بفرح لما حد يقولي يا مزة.. وخالد يوسف بتاع بوس»

قالت الفنانة الاستعراضية، سما المصرى: «أنا ما بحبش النفاق، وقولت للرئيس إنه لازم يكون في معارضة بالبرلمان، وكنت هكون معارضة في اللى الناس مش موافقة عليه».
وأضافت خلال حوارها مع الإعلامية نادية حسنى، ببرنامج «بالألوان الطبيعية»، المذاع على فضائية «دريم»، «الناس مصدومة من اللى أنا بعمله، لأنهم مش متعودين على أن سيدة تركب عجلة وتروح تنتخب في البرلمان».
وأوضحت: «الناس لما قالتلى يامزة أنا اتبسطت وفرحت، وبعدين أنا واحدة صغيرة في السن، ولسة شباب».
وأبدت استغرابها من فوز المخرج السينمائى خالد يوسف، قائلة: «لم أتوقع فوز يوسف في الانتخابات، وبعدين هو مخرج وأنا ممثلة، علشان كدة لم أتوقع أن خالد ينجح»، متابعة: «خالد يوسف بيقدم بوس في الأفلام ومشاهد ساخنة».