اللى بنى مصر «إفريقى»

اللى بنى مصر إفريقى وأصله مليح
وهو باب قارته وكان لهاالمفاتيح
هو حضارة ومنارة وافتخار للكل
وللغواصب بيبقى فى غضبة التماسيح
النيل حبيبه وقريبه وعاشق الأرضين
من الجنان منبعه ألوفات سنين عايشين
لكن تهل القواسم تقسم الأصحاب
النيل يجينا عليل خاوى الوفاض وحزين
اللى بنى مصر قلبه من الزعل حايون
فى مخه حاجة تزن
فى ودنه طير بيطن
بيسن عزمه وسلاحه والغضب معقود والطبل ياما رعود
نيلنا ما هوش للفسح بفلوكة للعاشقين
نيلنا مصيرنا وقضانا ولقمة للجعانين
نيلنا دوانا وغطانا ومية للعطشان
نيلنا مصانع وطاقة تصحصح النايمين
اللى بنى مصر ما كان فى خصاله جبان
يموت يحيا ولا ينقص لنيلنا حفان
لا أرض عطشانة ولا عريان نفر منا
ولا سدود تتبنى تحجب عزيز عنا
وإحنا زمايل النيل مع بعض سد منيع
للى يحوش الربيع ويبعد الجنة «إفريقى» «إفريقى»