أكد الرئيس عبد الفتاح السيسي، أنه يعزي جميع المصريين في استشهاد النائب العام، المستشار هشام بركات. وقال "السيسي": "بقول لكل المصريين البطل سقط علشان مصر تعيش، نحن مستعدون للسقوط من أجل بقاء مصر". وأضاف خلال تشييع جنازة النائب العام الشهيد هشام بركات، بمسجد المشير طنطاوي بالتجمع الخامس، منذ قليل: "عرفتوا ليه إحنا بنقول يا مصريين، ما تهتزوش عشان إحنا بنواجه حرب ضخمة، وعدو خسيس محتاج مننا إننا نكون مع بعض". وتابع: "اللي حصل ده إحنا كنا عارفين إنه هيحصل وكنا مستعدين إننا نتحمل ثمنه، بس 90 مليون مصري يعيشوا وده مش جديد علينا، ده ثمن إحنا بندفعه". وأضاف: "الموضوع ده مش هينتهي، مصر بتواجه خطر عظيم، وكذلك المنطقة بأسرها، لقد فقدنا عظيم لكن مازلنا نقف على أقدامنا".