أبيّن زين واضرب الودع

مرحب وزير عدلنا يا زند للقوانين.. ورئيس لنادي القضاة وكلنا عارفين.. وقفة قضاة مصر في وجه اللي منشقين.. عن القانون والعدالة في كل الميادين.. ونفسنا نشوف عدالة سيف على الفاسدين.. وكل واحد وواحدة ع القانون خارجين.. في دول كتيرة شعوبها في عراك عايشين.. باسم داعش وقاعدة وعصبة حوثيين.. وكلهم أدعياء بيتاجروا باسم الدين.. في الشرق والغرب بشعار النضال رافعين..
وكلهم كدابين لأنهم قابضين.. ومأجورين كل حبة يقلبوا الموازين.. وودعي بيقول إنك قاضي حر أمين.. فقول لنا خطتك مع كل دى التعابين.. وترد على كل واحد مدّع ولعين.. وأنا قلت كل اللي عندي وناس كتير خايفين.. وناس كتير مبسوطين لأنهم فاهمين.. إن القضاء حر شامخ من سنين وسنين.. وأظن مفيش كلام تاني غير المحامين.. يترافعو باسم القانون وكلهم واثقين.. إن القضاء هو عدل العدل في الموازين.