بالفيديو.. زوج عمره 73 عاما يشتكي من غيرة زوجته

اشتكى أحد الأزواج ويدعى محمد 73 عامًا، من غيرة زوجته ذات ال68 عامًا عليه، مضيفًا: «مراتي بتصر تحلفني إني مش متجوز عليها».
وأضاف خلال مداخلة ببرنامج «كلام من القلب»، المذاع على فضائية «الحياة 2»، اليوم الأربعاء: «أنا بحلف غصب عني عشان أريحها، والله بحلف صدق إني مش متجوز عليها، لكن الحكاية دي زادت بعد ما اشتريت شقة في مدينة نصر ودخلتها شريك معايا بالنص، ومن بعدها قلبت».
وتابع: « بقالنا 50 سنة متجوزين، وأنا بحبها والله، بس زعلان إنها بتتهمني إني بطلع ناس الشقة».
فيما كان رد الشيخ محمد وهدان أستاذ الدراسات الإسلامية جامعة الأزهر، عليه قائلًا: « بتحبك يا حاج معلش، دي حاجة كويسة جدًا إنها بتغير عليك، بس الغيرة زيادة شوية، ومش عيب إنها تعرض نفسها على طبيب نفسي».