شنت ريهام سعيد، مقدمة برنامج «صبايا الخير» على قناة النهار، هجومًا حادًا على تصريحات الدكتور محمد البرادعي، نائب رئيس الجمهورية المستقيل، التي قال فيها إن مصر تغرق، في تعليقه على ما تشهده البلاد حاليًا. وقالت ريهام سعيد، في برنامجها مساء أمس الإثنين: «ماليش في السياسة، بس بالبلدي كدة إلهي يا شيخ اللي يقول على مصر بتغرق، يغرق هو واللي معاه، أيام ما كنت هنا عملت إيه عشان مصر ماتغرقش، حاجة واحدة قولي أنت عملتها». وأضافت: «آه الاحتياطي خلص وعندنا مشاكل، أنت مين بصفتك إيه تقول كده، خليك ماطرحك ما أنت قاعد، عشت في مصر قد إيه عشان تتكلم عنها». وتابعت: «خليك في حالك، بكلمك ببساطة خليك في حالك، بنغرق إحنا في بعض كده، خليك أنت مع الناس اللي ما بتغرقش». وقالت: «ممكن بالورقة والقلم ممكن تبان الدنيا مش ماشية صح، الناس عاوزة بس حد يقولها اعملوا وماتعملوش وكده صح وكده غلط وكده هتتعاقب وماتتعاقبش لو عملت كذا».