بموت في السفالة

اتمسو بالخير ... الصراحة انا قريت كتير في المشاكل الموجودة في فضفضة لقيت الناس محبكاها اوي واللي حزين على كلام فاضي والعبيط كمان ده اللي ادمن هيروين هوة لسة في حد بيعمل في نفسه كدة ؟ المهم قلت اشمعنى انا ما اكتبش حاجة مش شرط تكون مشكلة بس ممكن تكون فكرة مفرفشة يتعلم منها الناس . انا شاب في التلاتينات مقضيها امبساط بخلص شغلي بغلاسته ع الصبح
وارجع البيت اريح شوية وابدأ خطتي في اختيار الأماكن اللي هسهر فيها مع المزز اصحابي ... احلى حاجة في الدنيا انك تقعد مع ست جميلة مش مهم تعمل معاها حاجة بس مهم تنبسط بالقعدة تتكلمو في حاجات لذيذة بعيد عن مشاكل الأزمة الإقتصادية والأزمة المعنوية وحال البلد اللي يقرف والشغل وديرك الرزل .. كل دة كفته .. كلام فاضي عشان هنفضل نتكلم كتير وفي الآخر ربنا هيعمل اللي هوة عايزو يبقى نوجع دماغنا اللي مكلفينها ليه ؟ انا شخصيا بموت في السفالة اوعو تفهموني غلط .. بس السفالة جميلة تقول نكتة سافلة تتكلم في قلة ادب مع بنت حلوة تقترح مشوار خبيث في الغواصة الخاصة بيك ... المهم النتيجة انك تظبط دماغك ع الموجة اللي طالبة معاك ... ليه الناس ماتسافرش على شارم وفرصة بعد ما خربت السياحة الدنيا بقت رخيصة وفاضية يعني ممكن تاخد المزة وتشوفلك يومين .. الدنيا مش هتطير ماهو الهم قاعد قاعد وجاي بمزاجنا ولا غصب عننا ... ياريت لو الناس تبطل تشيل طاجن ستها زي ما قال المثل ويشوفولهم يومين قبل مايجيلنا ريس يطلع مايتين ابونا زي الزبالة اللي غار .. ايه يا بشر فوقوا بقى الأيام دي لطيفة جدا مع ان الصورة تبان غير كدة .. ده الموضوع طلع مصائب قوم عند قوم فوائد فعلا وانا شخصيا من بتوع الفوائد دول ههههههههه يا شباب سيبكو من الهم ويلا عيشو شوية سفالة وقولولي النتيجة ... باي باي بقى عشان تعبت من الكتابة .
المنحرف
فضفضة
تخيل يا أخ منحرف فعلا انا ماشفتش سفالة أكتر من كدة ! وما كنتش متخيلة ان لسة في ناس بعد الثورة تحديدا ممكن يكونوا حاسين كدة .. لا حول ولا قوة إلا بالله ربنا يهديك ويصلح حالك .. آه وسلامت إيدك من تعب الكتابة كتر خيرك .