بالفيديو.. بائع بالترجمان ل«محلب»: «أنا تعبان وعايز أصرف على عيالي»

سادت حالة من الاستياء بين بائعي سوق الترجمان، بسبب حالة الكساد التجاري بالسوق.
والتقت "فيتو" أحد الباعة بسوق الترجمان، ظهرت على وجهه علامات الضيق واليأس ويدعى "رمضان"، والذي قال: "أنا كنت فارش في الإسعاف وجات الحكومة مشتني وجابوني الترجمان، ونائب المحافظ اشترى مني جوز شباشب في أول يوم أفرش في الترجمان".
وأضاف "رمضان": "فيه حالة كساد تسيطر على الترجمان.. أنا دلوقتي بقالي 12 يوما في الترجمان مفيش بيع ولا شراء وبصرف على ست عيال وأمهم ومش لاقي فلوس أصرف عليهم وداخل علينا مصاريف المدارس والعيد".
وأعرب رمضان عن تمنياته بأن يأتي المشترون للترجمان، قائلا: "نفسي السوق ده يعمر وتيجي الزباين بس السوق مش راضي يتعدل ومفيش فيه إلا البائعين".
واختتم رمضان حديثه بتوجية رسالة للمهندس إبراهيم محلب، رئيس الوزراء، قائلا: "أنا تعبان ومش لاقي فلوس أصرف والترجمان مش شغال".