بالفيديو .. اول بائع ينتقل للترجمان : سمعت كلام الحكومة بس لو مفيش زباين هرجع مكانى وان شالله أتحبس

قال رمضان احمد سلطان اول بائع جائل ينتقل إلى سوق الترجمان إستجابة لحملة وزارة الداخلية صباح اليوم : أنه انتقل من أمام الشهر العقارى موضحاً أن الدولة موفرة مكان كويس وانا عايز اساعد الدولة بس ازاى هدفع 15 جنية فى اليوم إيجار للمكان ومفيش زباين ولا مخازن ولا مكان لوضع الزبالة .

وتابع رمضان ل"الفجر": لازم اكسب 100 جنيه عشان ادفع المبلغ ده لان عندى 6 عيال بربيهم ،و فى خلال 3 أيام لو مشتغلش المكان هرجع مكانى تانى أمام الشهر العقارى ان شالله يحبسونى بس يأكلوا العيال ولو عيالى اتشردوا يبقى ذنب الحكومة.

وأستطرد: أنا سمعت كلام الحكومة وجيت بس ادفع 15 جنية ومفيش مخزن والمكان مش معروف لازم الحكومة تشغلنا وتوفرلنا مصدر رزق مهدد بعمل وقفة احتجاجية امام محافظة القاهرة