اكتشاف 3 أشخاص في المنوفية سيصوتون ب"نعم" للدستور

من شباب المنوفية إلي باقي المحافظات: هو ده آخركم في "لا"؟ رسالة تناقلها شباب ال"فيس بوك" نقلا عن بعض المنايفة الذين يؤكدون أنهم الأمل الأخير لخروج النتيجة ب"لا"، المنوفية المحافظة الشهيرة برفضها لتيار الإسلام السياسي، والتي كادت تحول النتيجة لصالح الفريق شفيق في الانتخابات الرئاسية، قال الشباب إنها تستلقي علي "كنبة"، وجميع المحافظات يقومون بتدليكها؛ استعدادا للمعركة القادمة، "فيتو كافيه" رصدت تعليقات الشباب حول دور المنوفية في المرحلة الثانية من الاستفتاء..
عماد منصف: الإخوان اضطرونا ندافع عن إلهام شاهين، ونتحالف من الفلول .. كل ده ممكن أستوعبه إنما توصلونا إلى إن المنوفية تبقى أملنا الأخير.. أهو ده اللى مش هننسهولكم أبدا.
محمد معوض:عزيزي بتاع اللمون، أخبار الحموضة ايه؟؟ إن شاء الله تكون موعت نفسك، زي ما أنت موعت نفسنا
أحمد حلمي: المنوفية دلوقتي ممددة رجليها ع الكنبة وكل المحافظات بتعمللها مساج
محمد العطار: من المنوفية إلي المحافظات المصوتة ب لا .. : هو دا آخركم يعني ؟؟
وائل مختار:الشرقاوية في المرحلة الأولى في انتخابات الرئاسة ادوا مليون إلا ربع صوت لشفيق.. وفي الاستفتاء النهاردة مليون إلا ربع صوت لنعم .. !! حقيقي الاستقرار يعمل في الواحد أكتر من كده.
علي الجانب الآخر أعلن شباب من المصوتين بنعم بأن لهم أنصار في المنوفية وقالوا: خبر عاجل ومهم ونرجو النشر حتى تعم الفرحة.. تم اكتشاف 3 من المنوفية الشقيقة سيصوتون بنعم وتأكدنا من هذه المعلومة ولكنهم الآن مخبيين الخبر حتى لا يتم فضحهم فى جموع المنوفيين نسألكم الدعاء أن يثبت الله هؤلاء الثلاثة.
فاطمة أبوعبية: النتيجة النهائية: نعم اكتسحت فى مركز عمليات الحرية والعدالة.. ولا اكتسحت فى مركز عمليات التيار الشعبى
السيد خلف: وقالت الصناديق للدين، نعم..وقالت قبلها لمبارك، نعم...وللحزب الوطني، نعم..شعب جميل..أنا كنت فاكر إني هموت مفروس، بس واضح إن أنا هموت "مفروز".
محمد منصور: إحنا بلا فخر أحسن شعب يأفش التزوير بطريقة تبطل أجعص نتيجة انتخابات...طب وبتبطلوا النتيجة لأ بنأفش بس
سعاد معروف: السادات لو كان عايش وشاف سينا بتقول نعم كان ذهب لحد الكنيست الإسرائيلي يديهالهم وعليها الشرقية هدية.
أسامة الخولي: مرسي قرر إنه يبقى مبارك لدرجة إنه راح صوت في نفس اللجنة اللي كان بيصوت فيها مبارك ومش فاضل غير إنه يحلق دقنه ويصبغ شعره.
محمود عبدالقادر: علينا أن نتقبل النتيجة مهما كانت سواء كانت بالرفض أو عدم الموافقة أو حتى التصويت بلا.. الكسبان نقوله مبروك والخسران نقوله موتوا بغيظكم.