حوار صباحي يشعل تعليقات نشطاء "تويتر وفيس بوك".. أسامة: عزيزي حمدين دا فيلم هندي.. حاتم: معجون 40 سنة سياسة واقتصاد.. محمد: اتكلم عن برنامجك وسيب الجيش.. الكلام عن الفقر بقي محفوظ من عهد "بتاح"

أثار حوار المرشح الرئاسى حمدين صباحى مع الإعلاميين خيرى رمضان ومجدى الجلاد على فضائية "سي بي سي " مناقشات ساخنة على مواقع التواصل الاجتماعى "تويتر وفيس بوك " البعض أكد أن المرشح الرئاسي كان موفقا والبعض الآخر رأوه "بتاع كلام" فيما قارن آخرون بين المرشحين الرئاسيين " صباحي" و"السيسي".
أسامة سيد: "عزيزي حمدين دا فيلم هندي الإعلام كله مع السيسي"
باسم الششتاوي: "حمدين مش بتاع كلااام حمدين صبااحي مناضل وتاريخه يشهد على كلامه اللي مش عاجبك"
brince 00000" لا وجود للإخوان في مصر فمكانهم إما في السجون أو تحت الجزم.. نحن نختلف ولكننا متفقين على رجوع فئران الإخوان إلى جحورها".
حاتم فتحي" يا جدعان حمدين معجون 40 سنة سياسة واقتصاد وعنده مشروع حقيقي للبلد...فيها ايه بس لو خرجنا من دايره حكم العسكر والإخوان مرة في حياتنا.. السيسي سرق برنامج حمدين صباحي...ومبيعرفش يقول كلمتين على بعض مفهومين في اقتصاد أو سياسة".
عمرو برجو" السيسي لابس ساعه ب30 ألف وعايزين نجوع ونتقشف ونروح الشغل مشي.. في ناس بتخلط بين السيسي والجيش"
أحمد البراوى "ياريت صباحى يبطل غرور ايه كميه الغرور اللى هو فيه.. السيسي عايز يخلينا نركب لمبه موفره وهوا في اجتماعو مع الإعلامين كان منور نجف واضاءات عاليه تكفي استاد القاهره".
أحمد البنا" السيسي هو الجيش وهو قال بنفسه سوف أستعين بقيادات عسكريه ف الحكم".
محمد الشيخ" اتكلم عن نفسك وعن برنامجك وسيب الجيش على جنب لأن السيسي دلوقتي حاجة والجيش حاجة تانية.. ياحمدين انت عمال تضخم في نفسك وتهاجم الجيش، ايه الفرق بينك وبين الخرفان؟"
Edward NewGate " بقالوا ساعة بيقول اد اية هو ثورى واد اية الجيش نمرة اتنين... وقاعد ينافق في الشعب... ومقلش كلمة واحدة عن برنامجوا".
أماني أنور على" حمدين قبل انتخابات الرئاسة... الرجل الذي فقد عقله حمدين بعد انتخابات الرئاسة... الرجل الذي فقد شعره"
عبد الرحمن " واحد اتصل بيا صحاني من النوم وبيقولي اتفرج على حمدين بسرعة... ده بيغلط في السيسي والجيش الناس واخدة الموضوع جد وانها انتخابات وكده لول".
حسين مهران" الثورجية عندهم نفس داء الإخوان بتاع "إحنا اللي قلنا الكلام ده الأول"! يعني حمدين شايف أي حد يتكلم عن الفقرا يبقى بيقلده وواخد برنامجه".
محمود النجار" الجيش تاعبك ليه ياحنجورى."
محي الدين الغمري" السيسي كان واضحا لا يستجدى الأصوات وصريحا في مخاطبة الناس برأيه وبرنامجه دون تملق نرى أن حمدين يتخذ موقف الهجوم والتملق للشعب".
رانيا منصور" أي رئيس عاوز ينصب على المصريين بيتكلم عن الفقر مش محتاج يسرق من برنامج حمدين صباحى دول بوئين محفوظين من أيام الملك بتاح"