أمير المنفلوطى: حمدين صباحى.. المفتَّرى عليه أو المفترِّى علينا

فى بدايات ترشح حمدين صباحى للإنتخابات الرئاسية فى 2012؛ كنت أحدث الناس عنه.. فكان يأتينى رداً عفوياً من بعضهم: "مش الصباحى اللى هو أبو طربوش ده؟!".
فكنت أجيب بدهشة تلاشت مع تكرار السؤال: "لا التانى أحمد الصباحى كان رئيس حزب الأمة.. وتوفاه الله من 3 سنوات".
الآن عندما تتحدث مع الناس عن حمدين صباحى؛ لم تعد المشكلة فى معرفته.. فالكل أصبح يعرفه؛ تنحصر إجابات وتحليلات الناس فى:
(هنتخبه.. هو اللى فاضل للثورة عبده مشتاق.. هيموت ويحكم نفسى أعرف صباحى ده بيشتغل ايه؟!! ده فلول ده إخوان لا لا مش إخوان.. بس ليه تحالف معاهم فى إنتخابات مجلس الشعب؟.. هو إخوان؟! السيسى كده كده واخدها.. يعنى هو هيستقيل ويقعد فى بيته؟! ده إنقلاب على الشرعية.. وكل ما يترتب عليه باطل أنت كده بمشاركتك بتدى شرعية لإنتخابات العسكر واحد مننا.. صوتى للناس والنيل حمضين.. واحد خمنا مرسى راجع صوتى لنسر مصر بارد طيب وغلبان.. والمصريين عايزين الكرباج لو من بين المجموعة الحالية يبقى حمدين.. بس كان نفسى فى البرادعى مقاطعة هروح أقف فى الحر ساعة عشان أنتخب رئيس هيقعد سنة نشارك ونفضح التزوير لو حصل.. زى إنتخابات الشعب فى 2010.. تزويرها هو اللى حرك المصريين فى 25 يناير كان بيأيد القذافى وصدام وحماس وحزب الله.. ده طابور خامس علمانى ناصرى شيوعى ليبرالى هو شكله ريس.. واجهة بصراحة.. بس الجيش مش هيسيبها لحد مدنى تانى بعد مرسى السيسى رئيسى.. عايزين نستقر بقى البلد بتضيع.. العالم كله بيتآمر علينا.. وبتوع الثورة لسه بيهزروا هو كويس.. بس حرام أضيع صوتى على واحد مش هينجح السيسى طبعاً.. لولاه مكنش حمدين ده أترشح دلوقتى! الله يخرب بيت الثورة واللى بييجى منها أنا شايف صناديق الإنتخابات "بعينى" متظبطه خلاص بتاع شعارات.. واحنا عايزين أفعال طب برنامجه ايه؟ أنت فاكر المخابرات والجيش وأمن الدولة بيلعبوا؟! شكله فرفور اتبهدل كتير ولسه بيبهدلوه تاريخ نضالى طويل.. هانتخبه طبعاً مش عايزه يشارك فى التمثيلية دى كومبارس تاريخه فى الشارع.. بس مصر عايزة "رجل دولة" رئيس تحرير صحيفة فاشلة زعيم أهم تيار سياسى طلع بعد الثورة "التيار الشعبى" أنا من "بلطيم" بلده.. أحلى شغل أتعمل عندنا لما كان نايب فى المجلس ناصرى!.. هنرجع تانى للزعيم الملهم ناصرى وهيعتقل الإخوان.. بس السيسى هيبهدلهم أكتر وعشان كده هانتخبه ناصرى وهيأمم ممتلكات ويخش حروب ويقولك العروبة واحنا مش ناقصين! هيحارب "إسرائيل" ويقاطع أمريكا تانى يوم ليه فى الحكم ويبهدلنا هو فيه زى أدبه وثقافته وعقله؟! كل واحد سكت على الدم اللى فى "رابعة" بالنسبة لى مرفوض ده بتاع الغلابة.. الصباحى ده حبيبى هنتخبه سمعته شويه كده وأنا باقلب التليفزيون امبارح.. عجبنى عامل فيها بتاع الغلابة!.. طب مين بيموله؟ الناصرى اللى بجد هيدى صوته لصباحى كنت بقلب التليفزيون بالصدفة كده لقيته.. كلامه مبيعلمش فى النافوخ.. مفيش نكتة ولا نور عينيا ولا شتيمة.. الواد باسم يوسف متشاف عنه على فكرة واحد أعتقل 17 مرة عشان عمال وفلاحين وفقرا.. ازاى مصدقوش كان نفسى السيسى يفضل وزير دفاع ويبقى هو ريس ممكن السيسى ياخده نائب هو مترشح ليه؟!.. احنا ناقصين تفتيت أصوات الإخوان هينتخبوه!.. هه صح؟.. الإخوان هينتخبوه!.. مش كده؟ راكبلى عربية وعايش فى شقة فى المهندسين وعاملى بتاع الغلابة.. المفروض يبقى "كحيان مننا" كل ما يستضيفوه فى برنامج يجاوب نفس الإجابات على نفس الأسئلة.. حاجة تزهق لازم مناظرة.. بينه وبين مرتضى طبعاً مفيش فايدة لسه الأغانى ممكنة الأغانى حرام وبنته بتغنى بنته نصابة وابنه بتاع سيما أنا أعرف أسرته.. ساكنين جمبنا فى أحمد عرابى.. محترمين جداً هى سلمى تبقى بنته؟! دى عسولة بحب أشوفها فى التليفزيون.. خلاص ننتخبه بقى يا عم هى كده كده خربانة.. طب الببلاوى وإبراهيم محلب عملوا ايه؟! جعان وهييجى بشلته يسرقوا اللى فاضل.. واحنا عايزين حرامى شبعان لا احنا عايزين مستبد عادل مش هيسيبوه.. شوف عملوا ايه فى مرسى؟!.. احنا ضيوف فى البلد دى يا عمنا مش ده اللى وقف هو وأبو الفتوح قبل إنتخابات الإعادة فى 2012 يقولك لازم تتلغى؟!!.. هى ناقصه شغل عيال شوف بيدافع عن "أحمد دومة" ازاى؟!!. طب ليه مكنش بيدافع عن واحد زى "أحمد عرفه".. ولا عشان مش بيأيده.. مع إن الاتنين أسمهم "أحمد" راجل ممتاز.. بس السيسى رجل المرحلة جميل أوى.. صعب يحل المشاكل بتاعتنا.. بس أنا هنتخبه).
بعد التعرف إلى كل هذه الآراء، قررت أن أستعمل قاعدة: أن الإختلاف (الهيستيرى) فى الآراء.. لابد أن يفسد للود كل قضية، كما يستوجب أن يُفسَر لصالح المتهم.
إن شاء الله؛ سأنتخب حمدين صباحى.. حتى لو الأمل فى فوزه 1%.