ظهر الإعلامى شريف مدكور فى مقطع فيديو جديد، أشاد خلاله بمستشفى دار الشفاء، ووجه رسالة جديدة إلى جمهوره ومتابعيه. وقال مدكور فى الفيديو الذى نشره المستشفى عبر صفحتها على «فيسبوك»، وأعاد نشره شريف مدكور على حسابه الشخصى: «كل سنة وحضراتكم طيبين، ورمضان كريم.. ربنا يشفى كل مريض.. ربنا ياخد الكانسر دا تماما.. مرض السرطان المرض اللعين، هو أى مرض بالنسبالى لعين، حتى دور الإنفلوانزا ممكن يبقى لعين لو متعالجش كويس». وأضاف: «مستشفى دار الشفاء بالعباسية عريق، رغم بعض المشكلات التى جرت فى فترات ما، ولكن هناك طفرة حدثت منذ 2008». وتابع: «أنا اللى طلبت أعمل الفيديو دا وأقول الكلام دا.. أول ما طلبت من الدكتور أحمد عبد العزيز إنه يعملى جراحة استئصال جزء من القولون لوجود كانسر، قالى دار الشفاء، ولما قلتله دى مستشفى حكومى، قالى تعالى شوفها، ولما جيت شفتها اتخضيت لأنى لقيتها زى المستشفيات الخاصة، يمكن أحسن كمان فى وسع الأوض والغرف، وتابع: «أنا اللى طلبت أعمل الفيديو دا وأقول الكلام دا.. أول ما طلبت من الدكتور أحمد عبد العزيز إنه يعملى جراحة استئصال جزء من القولون لوجود كانسر، قالى دار الشفاء، ولما قلتله دى مستشفى حكومى، قالى تعالى شوفها، ولما جيت شفتها اتخضيت لأنى لقيتها زى المستشفيات الخاصة، يمكن أحسن كمان فى وسع الأوض والغرف، والألوان اللى عاملينها مبهجة، وعرفت إمكانيات غرفة العمليات، واللى فوجئت أكتر بيه هنا فى دار الشفاء التمريض، ناس محترمين قوى، وبيتعاملوا مع المرضى كويس جدا.. الناس اللى بتشوف الفيديو لو بتقولوا إنى مشهور وبتعامل معاملة خاصة فأنا سألت المرضى عن المعاملة وقالولى إنهم منبهرين». واختتم: «أتمنى من كل مستشفيات القطاع الخاص إنها تكون على هذا النهج من نظام وترتيب ونظافة.. عندى حالة انبهار ومبسوط إنى شفت فى بلدى مستشفى حكومى بهذه الجودة».