السيسي: بندعم العيش ب50 مليار.. ومش عارف أطور المصانع

قال الرئيس عبد الفتاح السيسي، إن وزارة التموين تدعم رغيف العيش ب50 مليار جنيه، موضحا: "التموين بيعمل كده وأنا مش عارف أطور المصانع ب1.8 مليار".
وأضاف السيسي، خلال كلمته بمؤتمر صحفي، اليوم الإثنين، بالمنوفية: "يعني أفضل قاعد استنفز ويضيع مني فرص وتقدم بسبب المسار اللي ماشيين فيه"، موجها حديثه لخالد بدوي، وزير قطاع الأعمال الجديد: "شوف هتعمل إيه بس أنا معاك، هاتلي الموضوع وأنا هخلص في ثانية".
وذكر: "عندي مصانع الزعيم الراحل جمال عبد الناصر من 50 سنة، ومقدرناش لأي أسباب نحافظ عليها، مش هينفع نسيبها كده، عندنا عمالة بالآلاف في مصانع الغزل والنسيج، اشتغلوا بأمانة وربنا هيقف معانا".
وتابع: "مش عايز أصدمك، بس إحنا جنبك ومعاك وكنا مع اللي قبلك، لكن التحدي كبير ومحتاج إرادة وتوفيق ربنا".