أحمد جمال يهنئ جمهوره بالعام الجديد: «مدين لكم بكل حاجة حلوة»

وجه الفنان أحمد جمال رسالة تهنئة إلى جمهوره ومتابعيه اليوم الأحد بمناسبة العام الجديد، من خلال حسابه الرسمي على موقع الصور الشهير "إنستجرام".
وكتب جمال: "كلمة لجمهوري المحترم في بداية 2017، خليكوا عارفين أن أنتم صناع النجاح.. انتوا اللي بدأتوا مشواري بدعمكم مش أنا اللي بدأت.. انتوا اللي واقفين جنبي ولو فضلتوا معايا أنا هفضل أكبر بكم، لازم تبقوا عارفين إني مدين لكم بالفضل بعد ربنا في كل حاجة حلوة بتحصلي".
وأضاف: "وأن مهما كبرت لا يمكن أكبر إلا بيكوا ومعاكوا، أنا بحبكوا أوي وبدعيلكوا بالنجاح في كل خطواتكم وبتمنالكوا الخير زي ما بتتمنولي كل حاجه حلوة يارب.. كل سنة واحنا دايمًا مع بعض، وكل سنة وأنتوا طيبين".