فيديو| أحمد موسى عن «خطف فتيات بالإسكندرية»: «لقوهم في الساحل»

قال الإعلامي أحمد موسى، اليوم الإثنين، إنه لا وجود لما يثار حول حوادث خطف فتيات بالإسكندرية، لافتًا إلى أن هذه مجرد شائعات مغرضة تهدف زعزعة الاستقرار، ومنع المواطنين عن الذهاب إلى عروس البحر المتوسط لقضاء إجازة الصيف.
أضاف موسى، خلال تقديمه برنامجه «على مسئوليتي»، عبر فضائية «صدى البلد»، «كله ده فبركة وأكاذيب وليس له وجود، أه في بنات سابوا بيوتهم، أنا مش بقول إنها وقائع مختلقة، ولكن البنات سابت بيتها ليه؟ طلعوا منهم اللي خرجت مع صديق ليها، واللي راحت مع مين فين، لكن مفيش ولا واحدة اختُطفت في إسكندرية».
تابع: «البنات دول مشيوا من بيوتهم بمزاجهم، لكن محدش جيه خطف واحدة فيهم في التوك توك وبتاع، ده فيهم واحدة لقوها هربانة مع صديق لها وتُقيم معه في الساحل الشمالي، وواحدة تانية بتحب واحد فهربت معاه، وواحدة تالتة لقوها تُقيم مع صديقاتها في القاهرة».