حديث المدينة

مفيد فوزى : عامة بنروح للناس بعدساتنا بنتحرك بنكلم المسئول بنخاطبة بنقولة الموضوع بايجاز بنشيل المعلومات لو ربنا فتح عليه وسمعنا وكلمنا نبعتها له ده اللى بنقدر نقوم بيه الشارع هو المجتمع المصرى مصغر بكل ما فيه وعدستنا مزروعة فى الشارع فى حديث المدينة
فاصل
مفيد فوزى : على فكرة بعض الناس يتخيلوا ان الكاتب لما يكتب يستجاب له والدنيا تنهد وكل المسئولين يردوا عليه الاجابة لأ احيانا الكاتب يكتب فيلاقى الودان طناش ولا احد يسأل فية كتبت لى او بمعنى ادق كلمتنى هاتفيا سيدة فاضلة وقالت لى انا سهير اسكندر كاتبة فى الوفد اندهشت ان كاتبة وجه بين الناس ووجوة بين الناس تبقى شاكية بتشكى من شئ غريب مفيهوش جسم مادى لكن فيه الجانى الجانى روائح بتطلع عليها وبتخنقها وراحت قبل ذلك المستشفى بسبب هذه الانبعاثات غير المعقولة وبعدين قالت لى على فكرة دى حاجات طلعة من جمعية قبطية قلت لها ولو ايه يعنى معنديش حساسية انا مش هعمل زى محافظ قنا لما خاصم الكنيسة القبطية ومش عاوز شعبية على هذا الحساب علشان كدة انا ذهبت الى سهير اسكندر الكاتبة فى الوفد علشان نسمع وجهة نظرها اية يا سهير اللى حصل
سهير اسكندر : اللى حصل ان انا منزلى بيعلوا مركز للكلى اسمه مركز 00 وانه كان بيطلع منه رائحة نفايات
مفيد فوزى : رائحة نفايات .
سهير اسكندر : رائحة نفايات رائحة سيئة جدا طول المدة وبتوسع فى الزمن بدأوا يحسوا ان ضرورى يغطوا على النفايات يغطوها بمادة كيمائية شديدة جدا مهياش الحاجات المستعملة زى الديتول لأ دى مادة كيمائية فى حد ذاتها شديدةالضرر الى ان جاءت اللحظات الخطيرة لما بصيت لقيتهم بيكثفوا تبخير
مفيد فوزى : الابخرة
سهير اسكندر:الابخرة
مفيد فوزى : ايه الهدف؟
سهير اسكندر: الهدف فى الاول مكنش معلن فوجئت بتكثيف الابخرة بدرجة انها وصلتنى فى الاخر الى حالة اختناق واستنجاد بالجيران
مفيد فوزى : العمارة نفسها
سهير اسكندر : العمارة نفسها
مفيد فوزى : كل الناس انما معندهمش اقلام
سهير اسكندر : لأ معندهمش اقلام ومعتمدين برضه علي
مفيد فوزى : بالضبط نعم بلغتى الشرطة
سهير اسكندر : بلغت الشرطة وعملت محضر بشادة دكتور فى الطاقة الذرية وزوجته الساعة 8 الصبح وجدونى فى حالة يرثى لها انا والشقة لانة صوبوا نحوى ابخرة سامة جدا لا تتصور انها شكله ايه
مفيد فوزى : يعنى انت كنتى ممكن تأرفى وتسيبى الشقة وتمشى ؟
سهير اسكندر : مش حكاية بس القرف يا استاذ مفيد بيوصل سبت الشقة امبارح سبتها
مفيد فوزى : هل ده هدف عندهم انك تسيبى الشقة وتمشى ؟
سهير اسكندر : ايوهاااا هما فى هذا الوقت قالوا بعلو الصوت تبيع شقتها
مفيد فوزى : فيه كام مواطن فى العمارة دى ؟
سهير اسكندر : والله بيسموا اسم برج
مفيد فوزى : ده برج كمان
سهير اسكندر :اه ففية مواطنين كتار فية جاراتى اللى بجانبى السيدة / اودتا دوس ست مسنه فا ابنها قال لها بيعى رغم هبعت اجيبك هخدك علىالخارج لانها ست فى حالة اعياء بس ادتنى ورقة عايزه هذا الطلب قالت لى لو سمحتى
مفيد فوزى :طبعا الشكل انه مركز للكلى
سهير اسكندر: ايوها
مفيد فوزى : وبالتالى مركز صحى و بيعالج مرضى الكلى
سهير اسكندر : ايوها
مفيد فوزى : مش مصمط
سهير اسكندر: ايوها
مفيد فوزى : وبالتالى وبالتالى يبقى لا مانع انة يبقى موجود فى العمارة
سهير اسكندر : ايوه
مفيد فوزى : ويبقى دى بلاوية
سهير اسكندر : ايوه بس
مفيد فوزى :هل بلغتى هل بلغتى حد فى البيئة؟
سهير اسكندر:بلغت وزير البيئة وجاءت لجنة واقروا ان هذا المركز فى 19 ابريل نشروها فى الصحف اليوميه ان هذا المركز مخالف للقوانين الصحية كلها
مفيد فوزى :قولى لى يا دكتورة سهير حاجة ما اعرفها ش انا احنا كزملاء
سهير اسكندر : اتفضل البيئة والله لها لجان مش شرطة
مفيد فوزى : طيب انا عاوز ا خاطب الدكتور ماجد جورج وزير البيئة واقول له ان هذه الحالة ومثلها من حالات يا دكتور ماجد تلوث واختناقات وابخرة متصاعدة غريبة لابد من قرار علشان كده سألت الدكتورة سهير اسكندر هى البيئة لها شرطة كيف تفعل قراراتك كيف تخرج القرارا ت من مجرد حبر على ورق كيف تخرج القرارات من صفوة الانفعال فقط اللحظى كيف يتحول القرارمن بيئى الى حقيقة دامغة ومؤثرة
فاصل
مفيد فوزى : الاستاذة نادية عبد ا لله المحامية وظيفتها محامية للصم والبكم شئ غريب انها متكلمة ومتحدثة ولبقة من اب وام واخت بيعانوا من الصم والبكم المشكلة الكبيرة اللى بتحاول الاستاذة نادية لانها تعتبر ناشطة فى المجتمع المدنى هى ازاى يوصل الشخص الاصم الى انه يتعلم لانة لو فقد الورقة يحتاج الى مترجم ويظل باستمرار معاه احد يترجم له الكلام لانه فقد تماما حاسة السمع تماما معرفش اذا كان يعنى فقدان حاسة السمع فى ايامنا هذه نعمة والا نقمة انما ده تأمل خارجى يعنى خذوة فولكلور يعنى المهم ان نادية عبد الله عاشت احداث جعلتها فى لحظة من اللحظات تتجه الى انها تدخل كلية حقوق وتتخرج ثم تتخصص على وجه الدقة فى قضايا الصم والبكم
مفيد فوزى : كان ايه يا استاذة نادية اللى خلاكى تتجهى الى هذا التخصص ؟
نادية عبد الله : هو انا وانا صغيرة يعنى فى سن مبكر من عمرى يعنى يمكن يكون خمس ست سنين كنت دائما اروح مع والدى مع والدتى لترجمة بعض المشكلات للصم والبكم فاتجهت مع احد اصدقاء والدى لمشكلة كانت معروضة على محامى وفى مكتبة فىجئت ان المحامى بعد ما خلصت الترجمة بيقولى لا دا انا كنت فاهم حاجة ثانية خالص وبناءعلى كده فهمت على طول انه كان سيتجة اتجاة مخالف تماما للى كان المفروض اللى كان عيزة الاصم الابكم اللى انا بترجم له
وضحت الصورة وبينت له حاجات يعنى كان المفروض انه كان هيمشى فى حاجة ثانية كان هو يفقد الاصم ده حاجتة مثلا لو كان مشى فى اتجاة اخر يعنى
مفيد فوزى :عفوا هل بعد ما كبرتى واتخرجتى واشتغلتى محمامية المحاكم احيانا بتلجأ لك اه كثير اثناء ما كنت محامية فى المنظمة المصرية لحقوق الانسان
مفيد فوزى :ايوه
نادية عبد الله : طبعا كان اول حاجة اتعمل فى المنظمه ان احنا كنا بنعمل توعية قانونية بنعمل مشاكل للصم والبكم كانت اول حاجة على مستوى الشرق الاوسط
مفيد فوزى : نعم
نادية عبد الله : الكلام ده كان فى سنه 96
مفيد فوزى : اه
نادية عبد الله : فوجئنا بالتالى بعد كده ان المحاكم بقت بتلجأ لنا لحضور احد الخبراء فى الترجمه لترجمة بعض القضايا
مفيد فوزى : يعنى ترجمة الاشارات ؟
نادية عبد الله : ترجمة
مفيد فوزى : خلينا دقيقين علشان نفهم
نادية عبد الله :اه
مفيد فوزى :انت بتسمعيهم يترجموا الاشارات فا انت بتقولى للقاضى ايه اللى عاوز يقولة؟
نادية عبد الله : بالضبط كده بانقل الترجمة بناء على
مفيد فوزى : بدقة وبامانة؟
نادية عبد الله : اكيد طبعا واحيانا كثيرة جدا لما بانزل محامى ويكون فية قضية فيها متهم مثل اصم ابكم ما ينفعش انى اشتغل اثنين حاجتين محامى ومترجم والا هوصل للقاضى او هوصل لوكيل النيابة
مفيد فوزى : حاجة غلط؟
نادية عبد الله : مترجم اشارة بكون رقيبة عليه
مفيد فوزى : انت رقيبة عليه
نادية عبد الله : رقيبة عليه
مفيد فوزى : علشان خاطر ما يكذبش
نادية عبد الله : لو حصل اى خلاف للترجمة باقول stop
مفيد فوزى : طب سؤال حضرتك لما تكونى رقيبة على هذه الترجمة هل انت رقيبة فى ترجمة الصياغة اللى بيقولها يعنى انت بتقولى الصياغة ادينى مثل مثلا بيقولوا ايه حاجة كده بالاشارة
نادية عبد الله : مثلا انا ماكنتش موجود فى البيت الساعة
مفيد فوزى : بيعمل ايه بيقول ايه بيتكلم ازاى؟
نادية عبد الله : انا ما كنتش موجود فى البيت مثل بالليل الساعة 9 تسعة الا ربع مثلا
مفيد فوزى : اه
نادية عبد الله : وهو مثل مترجم فى 9 ديت حاجة ثانية ممكن يقول مثل انا كنت موجود ما كنتش موجود فى البيت الساعة 5 كان قال 9 - 9 و5 قريبة من بعض مثلا يعنى فا طبعا ايه الترجمة السريعة والا اذا كان المتهم ان الاشارة سريعة والمترجم ضعيف شوية الاشارة ممكن يأخذ منه كلام مخالف تماما مين اللوكيل النيابة او للقاضى الكلام مخالف تماما وبعدين الكلمات اللغوية فى الاشارة وبعدين خصيلة الكلام فى المجتمع اللى احنا عرفنها يعنى نحويا
مفيد فوزى : اه
نادية عبد الله : مش واصلة للاصم يعنى احنا لازم ايه نأخذ المفهوم بتاع الكلام وافهمة كويس قوى وادركه كويس قوى واوصلة كويس قوى لانى لو انا لم ااخذه صح مش هوصلة صح
مفيد فوزى : هل حدث مرة زى ما انا اتحريت عنك وسمعت انك كان فيه امامك قضية تحرش رهيبة وكان فيها من المتهمين صمم؟
نادية عبد الله : صم والضحية كانت صماء ودى كانت قضية
مفيد فوزى :الضحية كانت ايه؟
نادية عبد الله : صماء من اسرة صماء كاملة
مفيد فوزى : يعنى الضحية من اسرة صماء كاملة ؟
نادية عبد الله : وهى كما ن صماء
مفيد فوزى :يا ساتر والولد الاصم ده هو بيقولوا الاصم صح
نادية عبد الله :الاصم اه
مفيد فوزى : تحرش بيها؟
نادية عبد الله : اعتدى عليها
مفيد فوزى : اعتدى عليها ؟
نادية عبد الله : اعتدى عليها وقتلها
مفيد فوزى : وقتلها ؟
نادية عبد الله : هو بمعاونه سائق تاكسى متكلم وافراد اخرى من الصم لان هما كانوا ريحين فى نزهة وللاسف ان هما كانوا بيحاولوا يمارسوا الفجور مع بعض
مفيد فوزى : هو الاصم ده عنده حقد على المجتمع ؟
نادية عبد الله : مش حقد
مفيد فوزى : هل عنده شر جواه ؟
نادية عبد الله : عنده شئ من ان هو ملوش اى قيمة ملوش اى
مفيد فوزى : على هامش الحياة
نادية عبد الله : على الهامش
مفيد فوزى : على الهامش؟
نادية عبد الله : على الهامش اه
مفيد فوزى :هل ده ينخرط فى هذه العلاقة المشبوهة غريبة الشكل ويتحرش بالبنت ويموتها ؟
نادية عبد الله : ربما ربما لان هو من البداية خالص والمجتمع والمسئولين مش مهتمين بيه يعنى مش مهتمين به فى كافة شئ لا تعليم ولا دين ولا ثقافة
مفيد فوزى : اتحكم عليه بأية حضرتك كنتى محامية فى القضية دى
نادية عبد الله : كنت محامية حيرانه هل اكون مع المتهمين والا اكون مع المجنى عليها
مفيد فوزى : تانى كنتى حيرانه هل تكونى مع المتهمين؟
نادية عبد الله :ولا المجنى عليها
مفيد فوزى : ولا المجنى عليها ؟
نادية عبد الله :ولا المجنى عليها اه
مفيد فوزى : وبعدين انتهى عقلك لاية ؟
نادية عبد الله : انتهى عقلى انى اكون مع المجنى عليها بالرغم من مدافعة عن الحق المدنى مفيش دفاع مفيش طفوع هقولها لسبب ان البنت كانت من اسرة صماء والاسرة كلها صماء الام والاب والاخوات والاخوات كلها عبارة عن اربع اخوات كلهم كانوا صم
مفيد فوزى : اتحكم عليهم باية ؟
نادية عبد الله : بالاعدام
مفيد فوزى : ماذا علمك الحياة مع الصم والبكم ؟
نادية عبد الله : الصبر
مفيد فوزى : وانت الان ربنا يعنى ادى لك موهبة انك انتى تصبحى محامية وتدافعى عن الصم والبكم ماذا علمك؟
نادية عبد الله : الصبر
مفيد فوزى : الصبر يعنى لو ما صبرتيش؟
نادية عبد الله : لو ما صبرتش ممكن قوى هما علشان يتكلموا معايا فى حاجة صغيرة قوى مشكلة صغيرة قوى يحكوا حكاية طويلة فلازم اصبر علشان اخذ حاجة اللى هما
مفيد فوزى : عايزين يوصلوها لك ؟
نادية عبد الله : الضبط
مفيد فوزى : قولى لى الترجمة اللى بتحصل على الشاشة اثناء نشرة الاخبار يعنى مثلا انا مثلا لما باشوف ريهام ابراهيم بتقدم نشرة او خالد خالد عاشور بيقدم النشرة ابص الاقى فى الجنب كدة فية حد بيشاور ويعمل كدة وكدة ما اعرفش بيعملها ازاى طبعا دى عملية رهيبة هل الترجمه تصل الى هؤلاء؟
نادية عبد الله :انا عايزة اقول انها تصل ولا تصل الاثنين
مفيد فوزى :لأ استنى
نادية عبد الله : تصل ولا تصل
مفيد فوزى : علشان خاطر عبد اللطيف المناوى يسمع
نادية عبد الله : اه طبعا
مفيد فوزى : تصل ولا تصل ازاى؟
نادية عبد الله : لسببين
مفيد فوزى : ايه هما ؟
نادية عبد الله : الكاشة صغيرة حدا
مفيد فوزى : الكاشة صغيرة جدا استنى بقى يعنى لما ..
نادية عبد الله : اه
مفيد فوزى : لما باراك يقابل نتنياهو هناخذ جزء من الكاشا علشان خاطر الترجمة
نادية عبد الله: هو فعلا لما اجيبة كلة على بعضة بس فى نصف
مفيد فوزى : لأ كثير الكاشا معقولة جدا ومعانا مخرج
نادية عبد الله : لالالالأ صغيرة جدا صغيرة جدا انا والدتى بتحاول توصل للتليفزيون علشان تبص مش شايفة
مفيد فوزى : اه يعنى لو تكبر سنه
نادية عبد الله :تكبر شوية
مفيد فوزى :دهكأنه انتى ده تعليقك على الكاشة بالذات
نادية عبد الله :اه
مفيد فوزى : ايه تانى ؟
نادية عبد الله : التوقيت يعنى انا بالضبط انا حكاهم امتى الساعة 7 و8و9 صباحا دول الناس اللى هما الصم اللى عندهم عمل
مفيد فوزى : طب بتتذاع صباح الخير يا مصر اصبح
نادية عبد الله : ايوه 7و8و9
مفيد فوزى : اه
نادية عبد الله : هيتفرجوا امتى الناس اللى عندها شغل
مفيد فوزى :عيزاهم امتى يتفرجوا ؟
نادية عبد الله : الساعة 9 ايه المانع
مفيد فوزى : 9 ايه ؟
نادية عبد الله :9 مساءا اللى هى نشرة الاخبار بتاعت 9
مفيد فوزى : ما هم بيزيعوا النشرة بتاعت 9 مفيش فيها ترجمة
نادية عبد الله :اذن نشرة 9 بالذات مفهاش ترجمه
مفيد فوزى : طب على اى حال
نادية عبد الله : التوقيت مش مضبوط
مفيد فوزى : لهذا الكلام قيمتة فى حديث المدينة هو مساحة ا حترام واحترام انا قلتها مرتين لانه صديق الكاتب احمد يونس عرفاه طبعا
نادية عبد الله :اه طبعا دكتورنا ده هو اللى طلعنا يا افندم
مفيد فوزى : هو اللى الذى يقول دائما ان حق الناس فى مصر الصم والبكم والمكفوفين غير موجود
نادية عبد الله : بالضبط
مفيد فوزى :انا بقول له لا احنا بنعطى ايضا مساحة فى برنامج متواضع
نادية عبد الله : هو يا افندم لو ضميتوا صوتكم لصوتنا ونحن نتمنى من خلال البرنامج ده ان يصل صوتنا الى المسئولين
فاصل
مفيد فوزى : شفت مباراة يوم الجمعة اللى فاتت ؟
مصطفى مروان : اه
مفيد فوزى : بتاعت مصر امريكا ؟
مصطفى مروان : اه
مفيد فوزى : ضغطك على ؟
مصطفى مروان : قوى
مفيد فوزى : اتفرست ؟
مصطفى مروان : اه
مفيد فوزى : جالك السكر؟
مصطفى مروان : لأ لسة شوية هههههههه
مفيد فوزى : هيجيلك ؟
مصطفى مروان : ربنا يستر
مفيد فوزى : ايه السبب اصل انا ما بفهمش كثيرفى الكورة؟
مصطفى مروان : يعنى عندى امية كروية واضحة
مفيد فوزى : ولست عضوا فى اى نادى ولا بشجع اى نادى لكن لما تكون مصر بتلعب تخييل ان انا نطقت ليه يا ابنى راجعين ورا 00 يا ابنى اطلعوا ادام 00يا ابنى الكورة هى اللى تسبقك مش انت انا اشتغلت امبارح معلق كروى فى بيتى من الغيظ ايه السبب فى ضعف هذا الاداء
مصطفى مروان : مش عارف والله ممكن يكون غرور من اللاعيبة
مفيد فوزى : اه على مهلك
مصطفى مروان : بعد ماتش اداء كويس امام متش البرازيل
مفيد فوزى : غرور
مصطفى مروان : ممكن ممكن يكون غرور
مفيد فوزى : غرور بمعنى ايه بمعنى انهم حسوا انهم يعنى وصلوا اعلى الدرجات
مصطفى مروان : خالص لعبنا كويس امام البرازيل وكسبنا ايطاليا فخلاص احنا كدة وصلنا لاعلى مكانة يعنى فا امريكا مش مستوانا يعنى ممكن يكون غرور ممكن يكون اجهاد زى هما ما بيقولوا لكن اشك يعنى لان البرازيل لعبت زينا بالضبط وامريكا لعبت زينا 3 متشاط فى اسبوع وكسبت
مفيد فوزى : تفتكر هقول لك على حاجة انا باعتقد انك بتشاركنى ان الحضرى كان نجما متألقا
مصطفى مروان : اه طبعا
مفيد فوزى : على فكرة انا مش اهلاوى ولا زملكاولا خذ بالك ههه وباعتقد ان الحضرى فى مباراة ايطاليا كان احد النجوم البارزة لانه كان حارس مرمى مش الكرة المصرية الكرامة المصرية
مصطفى مروان : صح
مفيد فوزى : صحيح
مصطفى مروان : صح
مفيد فوزى : يقظ بالشكل ده
مصطفى مروان :كنا خسرنا اكثر
مفيد فوزى : كنا خسرنا اكثر وكانت الفضيحة هتبقى بجلاجل
مصطفى مروان : صح
مفيد فوزى : لما تسمع وتقرأ فى الجرائد ان الاهلى يقول لك احنا متمسكين انه ما يرجعش وحد يضرب له فى موبايل يقول له تيخل رغم كل اللى بتعملة ده الاهلى بيقول ان موقفهم منك مش هترجع الاهلى يبقى احساسة ايه
مصطفى مروان : هو احنا بنتكلم فى موضوع ثانى دلوقتى عصام الحضرى وضع طبيعى انه يكون متألق بنشجعه وبنحبة وكل حاجة
مفيد فوزى : هو انت اهلاوى؟
مصطفى مروان :اه طبعا
مفيد فوزى : اه اتفضل انت رايك ان عصام الحضرى ما يرجعش؟
مصطفى مروان :رأيى ان هو ما يرجعش لان فيه مبادئ النادى الاهلى من زمان ما تتغيرش فيه ناس من زمان
مفيد فوزى : ارد عليك
مصطفى مروان :اتفضل
مفيد فوزى :فوق فى مين ؟
مصطفى مروان : ربنا
مفيد فوزى :ربنا بيغفر انتوا الهه انتوا الهه ردوا علي انتوا الهه
مصطفى مروان : لأ مش الهه
مفيد فوزى : ربنا بيغفراغفروا للحضرى نزوة
مصطفى مروان : ما كنا غفرنا لناس ثانيين كثير
مفيد فوزى : زى مين حاكم الحضرى؟
مصطفى مروان : اكبر من الحضرى
مفيد فوزى : زى مين ؟
مصطفى مروان : حسين حجازى الله يرحمة
مفيد فوزى : عمل ايه حسين حجازى؟
مصطفى مروان : كان اكبر لاعب فى تارخ مصر كلها
مفيد فوزى : طيب وبعدين ده راجل احترف فى انجلترا ولعب فى الفريق الانجليزى غيروا اسم المنتخب الانجليزى علشانه
مفيد فوزى : مصطفى احنا انفعاليين طلعنا فىيوم من الايام الجوهرى فوووووق صح
مصطفى مروان : صح
مفيد فوزى : وبعدين نزلنا بيه اسفل السافلين
مصطفى مروان : صح
مفيد فوزى : اخذة الاردن اعتزل فى الاردن رجعت الارد ن اخذته وقالت له كون فريق اردنى للكرة عصام الحضرى شلنا ه على الاعناق وبعدين هبدناه فى الارض
مصطفى مروان : احنا ما هبدنهوش هو ما زال احسن جول فى مصر وربنا يوفقة فى اى حته ثانية يلعب فيها
مفيد فوزى : هو خلاص عايزيرجع الاهلى
مصطفى مروان : حتى لو نادى الزمالك او فى الاسماعيلى
مفيد فوزى : انت عارف لما انا سافرت فرانس سافرت سويسرا حديث المدينة قابلة فى سيون -
مصطفى مروان :اه
عصام الحضرى: دا النادى الاهلى دا النادى الاهلى ده حياتى كلها مهما يحصل بس يا استاذ مفيد عايزاقولك حاجة النادى الاهلى عندى فوق اى حد فوق مانى خوزية وفوق الناس دى كلها احب النادى الاهلى اد حياتى ولو قلت لك اكثر من بيتى مش هتصدق انا بحب النادى الاهلى بحب لو قلت لك اكثر من بيتى مش هتصدق
مفيد فوزى : بتشتاق له امتى يا عصام ؟
عصام الحضرى:باشتاق للنادى فى اى وقت وبعرف بص وببقى ملهوف على اخبارة اول باول مهوش علشان حاجة علشان انا باحب النادى الاهلى
مفيد فوزى :اغفروا يا اخى دا ربك بيغفردا ان الله غفورا رحيم اغفروا وارحموا واحد معملش خيانه منقلش معلومات الى اسرائيل دا راح نادى ثانى يمكن يكون حظة هناك ايه ده يعنى هى جت على الحضرى المهم بقى نرجع لموضوعنا اذا انت فى رأيك ان ضعف ا لاداء فى مصر امريكا كانت اما للارهاق او ......
مصطفى مروان : او غرور
مفيد فوزى : انت بترجح كفة اية؟
مصطفى مروان : برجح الغرور
فاصل
مفيد فوزى : من الجوابات اللى جت لحديث المدينه جواب من شاب بعت لى كرته اسمه زياد موسى عنوان الجواب اغتيال احد العلماء الشبان وكتب لى بيقولى يعنى انا عارف حماسك للبلد يعنى كلام مفروض ان انا اقفز فوقة يعنى الراجل ده زياد موسى واخد دكتوراة فى علم شديد الدقة يتعلق بالنبات اتصور ان ثروتنا النباتية محتاجة الى نوع من الصحوة ولما شاب مصرى زى دة يروح ويحاضر برة ويبقى له بحوث ويهتم بية ومن الممكن بين قوسين يخطفوة فى اى بلد مش هقول فى اليابان هقول فى قطر زى ما اتخطف احمد زويل خلينا صرحاء وعلى بلاطة الكلام مش
عايز اقعد اجمل واحاسب واحسس على الكلام وطبطب وادلع الراجل دة بياخد فى اليوم 3 جنية
بيوصل مرتبة فى الشهر 58 جنية وبيشتغل فى حاجة تتعلق بالنباتات يعنى مركزخاص فى وزارة الزراعة فى النباتات الراجل ده بيفوت على الجرائد كتب الكتاب ومحدش سأل فية بعت لى بيقولى عايزك تسمع صوتى عاوزك تعرف انا متخصص فى ايه واذا كان تخصصى ملوش قيمة قولى اتبط واسكت واذا كان تخصصة ليه قيمة من خلال برنامجك الناس تعرف او مسئول يسمع او احد يعنى بيا او احد يشوف انا ومكسوف اقولك انك انت وانت بتدعينى لبرنامجك بتقولى على العنوان اللى انا هاجى لك فيه فى مصر قلت لك انا مش هركب غير المترو معنديش فلوس اركب تاكسى حزت فى نفسى الله دا الواد بلية بيكسب اكثر منه اقول ايه اكثر من كدة حزين لموقف مصر من العلماء الشبان دكتور زياد ايه تخصصك يا حبيبى
زياد : انا عنوان رسالتى دكتوراة فى المكافحة الحيوية لمرض العفن البنى فى البطاطس
مفيد فوزى :مرض العفنننن البنى فى البطاطس يعنى افهم من كدة ان فيه فى البطاطس عفن بنى وعفن غير بنى ؟
زياد : ايوه هو العفن البنى مرض بكتيرى بتصيب البطاطس امراض كثيرة
مفيد فوزى : البطاطس بتصيبها امراض كثيرة
زياد : فطرية او بكتيرية
مفيد فوزى :الله هو احنا لما بنبعت شحنة من البطاطس بتاعتنا لبلد من البلاد يقولك البطاطس دى فاسدة وترجع للمنشأ اللى هو مصر
زياد : اهم الاسباب اللى بترجع البطاطس من الاتحاد الاوروبى هو العفن البنى فى البطاطس
مفيد فوزى : استنى هو من الاسباب اللى بترجع البطاطس من الاتحاد ا لاوروبى طبعا بقى راجل متخصص مش
زياد : هو العفن البنى فى البطاطس
مفيد فوزى : بيجى من ايه يا دكتور ؟
زياد : من مرض بكتيرى من بكتيرا كامنه فى التربة او من البطاطس الام اللى اتزرعت
مفيد فوزى : اه البطاطس الام اللى اتزرعت؟
زياد :اه او ممكن يكون كامنة فى التربة
مفيد فوزى : شغلتك انك تنقذ البطاطس من العفن ؟
زياد : دى شغلتى بالضبط
مفيد فوزى :ازاى ؟
زياد : بوسائل حيوية غير ضارة بالانسان وصديقة للبيئة
مفيد فوزى : هل بتحقن البطاطس ؟
زياد :لأ هو اللى انا عملتة فى كذا وسيلة بس اللى عملتة فى الدكتوراة نقع البطاطس لمدة خمس دقائق فى بعض العومل البيلوجية الغير ضارة بالانسان او بالبيئة وصديقة للانسان او البيئة اتعملت لمدة 10 دقائق وجابت نتيجة كويسة وزودت الانتاج فى مستوى الصوبة او مستوى الحقل
مفيد فوزى : ده اطروحتك حلوة
زياد : فى رسالة الدكتوراة
مفيد فوزى : رسالة الدكتوراة بتاعتك انت لما اتخرجت واخذت الدكتوراة الدولة شغلتك فين؟
زياد : انا شغال من قبل ما اخذ الدكتوراة من بعد ما اخذت الماجستير من معهد بحوث امراض النباتات فى مركزالبحوث الزراعى
مفيد فوزى : ليك كام سنه ؟
زياد : من 2003 لحد دلوقتى
مفيد فوزى : بتاخذ فى اليوم كام ؟
زياد :المرتب بيترواح من 50 الى 70 جنية يعنى
مفيد فوزى : ايه ده ؟
زياد : وحين ميسرة يعنى
مفيد فوزى : يعنى ايه ؟
زياد : يعنى قبض شهر 12 قبضة يوم 4/6 /
مفيد فوزى : يعنى المرتب ده تبع اى قانون ؟
زياد : دى قانون
مفيد فوزى : عفوا انا أسف انى اسألك السؤال ده هو انت عامل تراحيل ؟
زياد : للاسف هو انا بامضى زى موظيفين التراحيل او اللى معاهم دبلوم او البكالوريوس
مفيد فوزى : يعنى انت دكتوراه تراحييل؟
زياد : لأ ابدا انا دكتوراه دكتور حضرتك بتقدر من العالم برة انا حضرتك جت لى دعوة شخصية لحضور مؤتمرفى الاردن
مفيد فوزى : فى الاردن؟
زياد : بدعوة من عالم اماراتى انا فى الجمعية العالمية للبكتيروفيش انا الوحيد فى مصر هندخل على اللينك اللى سيادتك كتبة دلوقتى دوت
مفيد فوزى : اه
زياد :انا الوحيد فى مصر اللى فى الجمعية ا لعالمية للبكتيروفس البتكتيروفش المشغول ومعايا واحد اماراتى
مفيد فوزى : ا يوا فهمنى دعانى مخصوص لحضور مؤتمر فى الاردن ؟
مفيد فوزى : فى الموضوع ده
زياد : اه وقلت البحث بتاعى وفوجئت ان احسن مكان فىالعالم فى نفس التخصص بتاعى فى البكتيروفيش جم واثنوا عليا بعدما القيت البحث بتاعى وطلبوا تعاون دولى معايا فى احسن مكان فى العالم فى التخصص فى جورجيا اللى هو دول الاتحاد السوفيتى السابق قابلونى واثنوا على بحثى وقالوا لى عاوزين التعاون معاك دوليا
مفيد فوزى : ايه شعورك وانت بتقدر عالميا انت عايش ازاى بتاكل ازاى عايزاعرف
زياد :هو حضرتك
مفيد فوزى :هوا نت متزوج؟
زياد : متزوج ومخلف اثنين
مفيد فوزى : بتصرف عليهم ازاى ؟
زياد : يعنى انا كنت
مفيد فوزى : عامل جمعية؟
زياد : والدى مساعدنى وزوجتى موظفة يعنى
مفيد فوزى : بتسوق تاكسى بالليل؟
زياد : أ انا فى ارياف مفيش
مفيد فوزى : بتسوق توك توك ؟
زياد : للآسف بعد ما رجعت من المؤتمر فى الاردن وكان فيه ثناء دولى وكت فيه منحة شخصية
مفيد فوزى : ايوه ايوه قلى قلى مشاعرك بعد ما رجعت من الاردن ؟
زياد : يعنى اول يوم ارجع فيه من الاردن بعد ما ناس فى امريكا قالوا لى انت كويس يعنى هنتعامل معاك دوليا وناس من جورجيا قالوا لى انت كويس
مفيد فوزى : ايوه انت قلت لى الكلام خلاص وبعدين
زياد : اول يوم ارجع فية من مركزالبحوث اللى انا شغال فيها الفرع
مفيد فوزى :ايوه ايوه
زياد : واحد قالى انت جاى متأخر ليه انت فاكر نفسك دكتور قلت له انا دكتور وجالى دعوة
مفيد فوزى : متأخريعنى ايه اتاخر عن ال..؟
زياد : يعنى 9 ونصف
مفيد فوزى : انت بتمضى على ساعة ؟
زياد :على سركى لأ مابمضيش على ساعة قلت له انا جالى دعوة شخصية فى الاردن قالى ما حدش هيسمح لك انت هنا مؤقت
مفيد فوزى : انت هنا ايه ؟
زياد : مؤقت محدش هيسمح قلت له انا هنا
مفيد فوزى : وهو انت شغلك فى البساتين اسمة ايه؟
زياد : معهد بحوث ا مراض وملحق على محطة بحوث زراعية
مفيد فوزى : ده مؤقت ؟
زياد :مؤقت اه
مفيد فوزى : الله ما زى التراحيل
زياد : ما بلاش حضرتك اللفظ ده يعنى انا دكتور بيقدرونى برة انا حضرتك فى 2007 عملت بحث مشترك مع اسبانيا
مفيد فوزى : قولى يا دكتور زياد انت ليه متأزم من كلمة تراحيل؟ قول لى انت ليه متأزم من ده مش انت بتعامل فى مصر زى التراحيل؟
زياد : للاسف بس سيادتك انا بقول لحضرتك 2007 كان مشروع بحثى
مفيد فوزى : ادينى نصف دقيقة صمت دكتور امين اباظة و زير الزراعة انا حكيت تفاصيل الحكاية بتاعت الدكتورزياد موسى وبأعتقدجازما انك تكلم حديث المدينة وهتطلب هذا الطبيب
او هذا الدكتور اللى حزين جدا ومتأزم وكل ما اقول له انت تراحيل يقول لى مابلاش الكلمة دى الراجل ده عندك فى الوزارة فى المكان المتخصص في امراض النباتات المرتب اللى بيأخذة ما اعتقدش يجيب حاجة فى الحياة خالص ومكسوف اقول امامالراجل ان الراجل اللى بيمسح الاحذية فى الشارع بيكسب ادة مرتين ثلاثة وسألتة بتسوق توك توك قال لى لأ مش عارف اذا كنت انا غلط وانا بكلمك والا كان مفروض اكلم دكتور هانىهلال باعتبارة مسئول عن البحث العلمى فى مصر وان هذا الشخص يتبع له الدكتور زياد موسى لانه عالم شاب وزى ما قالوالنا وهو قالى خدوة راح الاردن وعالم اماراتى اهتم بيه وحزين هو لهذا الاحساس ومراتة بتشتغل ودى اللى عاملة توازن فى البيت هل يمكن يا دكاترة مصر العظام امين اباظة وهانى هلال ان الراجل ده
يحس باحترام مصر للعلم يحس بان هو لماذاكر واشتغل واجتهد واتمأأت عنية علشان يقدم اطروحة وجديدة فى الحياة الزراعية والا مصر ما بقتش بلد زراعى
فاصل
مفيد فوزى :انس مجدى طفل عندة 4 سنين كان حى وبيتحرك وسعيد وبيجرى مع الاطفال اخذة ابوة وامة علشان يعملوا ليه عملية لوز تعلموا حضرتكوا ان عملية اللوز ضرورية جدا للاطفال اخذ تخدير يبدو ان الجرعة كانت ثقيلة وانا مش دكتور متخصص لكن يكفى انى اقول انه من 15/10/ او 25/10/ 2008لحد انهاردة ما بيتكلمش ما بيسمعش ما بيشوفش ما بينطقش اعتقد ان ده مماثل للى حصل وله طولة العمر وربنا يشفية ويطلع لة من تحت الارض لان البلد لسة فيها ناس عمرانه بالخير ويسكنها الاحساس الرقيق الجميل زى حالة سعاد نصر برضه التخدير ولسة حمدى السيد نقيب الاطباء لو راحوا شكوا لة او شكوا لنقيب الاطباء فى الاسكندرية يقول لهم الجملة الشهيرة ارفعواقضية زى ما حدث فى حادث سعاد نصر برضه اترفع قضية وتنظر القضية المحاكم هتقول ايه فى هذه القضية لكن الولد وارجوا انكم تشوفوه تشوفوا شكلة الان فى حالة ما يعلم بيها الاربنا هو انتوا حاطين له اية فى الارجل الام دى جباير عشان الرجلين بتتخلع المفصل
من يعنى من ساعة عملية التخدير دى انس بيسؤ حالتة لابس بدلة عشان ما يتعوجش
مفيد فوزى : عشان ما يتعوجش
الاب: حصل له التواء فى العمود الفقرى فالدكتور بتاع العلاج الطبيعى جاب له بدلة من امريكا علشان الالتواء تمام
مفيد فوزى : يعنى ممكن جسمة
الاب : يحصل مضاعفات كمان
مفيد فوزى : يلتوى
الاب : ايوه
مفيد فوزى : يا ساتر يا رب كل ده من التخدير والدكتور بتاع التخدير قال لكم ايه الاب ما قالش حاجة الام عنده عيب فى المخ حساسية فى المخ فا عشان كدة هو جرا له كدة حتى الطبيب الشرعى برضه قال لك لأ دا العيب فى انس طب انس داخل على رجلية وبيتنطت اححنا بقى دلوقتى حضرتك تشوف لنا حل معاه طبعا كدةهو نصرة الطبيب الشرعى ان انس والتقرير اهو مع حضرتك والاوراق اهى انا جبياها لك
مفيد فوزى :انا عايز اقول لحضرتك ان هذا البرنامج ما بيشحتش خذ بالك ارجوك تاخذ بالك انا ما باقعدش امام الشاشة علشان خاطر ابص كدة واقول ايه يا ايها الناس عالجوا طول بالك لما اتكلم عالجوا هذا الرجل والولد كذا واتبرعوا له مش برنامج شحاتة لكن احنا برنامج بيوجه النظر للمسؤول للخطأ وبنقول للوزير انا اتصور ان الدكتورحاتم الجبلى لازم يردعليا لازم يكلمنى لازم يقول الولد ده يتعالج ازاى انتوا عندكم غيره
الاب : لأ هو ولد وبنتين
مفيد فوزى : يعنى ده الولد اللى على البنتين والدكتور جاب له بدلة علشان جسمة ما يتلويش ولابس نوع من ده ايه ده ؟
الاب : جباير
مفيد فوزى : جباير وما يقدرش يقف؟
الاب : ما بيتحركش شلل رباعى تصلبى
مفيد فوزى : شلل رباعى تصلبى؟
الاب :اه دى نتيجة اللى وصلت لها الحالةبتاعت انس شلل رباعى تصلبى او شلل دماغى
مفيد فوزى : هاتوا عشان الناس عايزة تشوفك شلل رباعى ؟
الاب: شلل رباعى تصلبى وشلل دماغى دى حالة انس دلوقتى او الحالة زى ما قالوها الاطباء يعنى الاطباء اللى هما بيعالجوا انس الان الام الدكتور احمد شوقى والدكتور
مفيد فوزى : بياكل ؟
الام : بالخرطوم
الاب :عن طريق خرطوم من الانف الى المعدة تمام دى طريقة اكلة طبعا هو فاقد كل الحواس بتاعتة لا بيسمع لا بيشوف لا بيتحرك دى نتيجة الحالة
مفيد فوزى :لكن عينية صاحية
الاب : عينية صاحية اه بس ما بيشوفش بيها يعنى هو العصب البصرى سليم
مفيد فوزى : خلينى كدة اشوفه ولاولاولا بينطق كلمة واحدة
الاب :ولا بينطق كلمة واحدة حضرتك فيه الصور بتاعت انس
مفيد فوزى : انا شفت الصور وشفتة شديد الحيويه
الاب : كان مشاء الله يعنى بيقعد على الكمبيوتر
مفيد فوزى :ا نا حاسة انه بيبص لى دلوقتى
الاب : ايوه بس هو
مفيد فوزى : بيبص الى ايه الى مصدر ا لصوت
الاب : لأ
مفيد فوزى : يعنى هو ما بيشوفش كمان
الام : ولا حاجة خالص يا استاذ مفيد
الاب : وفي تقارير
الام :ولا حاجة خالص والتقارير اهى
مفيد فوزى : يا ساتر
الام :لا بيشوف لا بيسمع لا بيتكلم ولا اى حاجة خالص دكتور البنج دكتور ماهر
مفيد فوزى : هقول ايه يعنى مش عارف يعنى فعلا اللى يشوف بلاوى الناس تهون عليه بلاويه والراجل عنده ايمان
الاب :الحمد لله
مفيد فوزى :والراجل عنده ايمان وبيقول الحمد لله ومعنديش اى تعليق اقولة لكن حاسس ان عملية التخدير اللى بتوصل الى الحالة دى هتتكرر مره واثنين وثلاثة وعشرة طبيب التخدير فى مصر ايها السادة يحتاج الى وقفة يحتاج الى مراجعة يبدو ان طبيب التخدير فى مصر لم يعد له ذلك الشعور المحترم اللى ممكن فيه يتخدر طفل ويخرج ايضا حى وحقيقى
فاصل
مفيد فوزى : رايح فين على الصبح؟
عبد الحكم عليوة : رايح اشكى
مفيد فوزى : تشكى مين ؟
عبد الحكم عليوة : اشكى لاى مسئول بوجه صرخة واستعاثة لكل مسئول من السيد رئيس الجمهورة بالاخص والسيد رئيس مجلس الوزراء صرخة
مفيد فوزى : خير مالك
عبد الحكم عليوة :70 الف مواطن
مفيد فوزى : الله ايه مشكلة ال 70الف مواطن دى ؟
عبد الحكم عليوة : 70 الف مواطن سيادتك منذ صدر القرار الجمهورى برقم 214 لسنه 2008 المعدل بقرار 124 لسنه 2008 ومن جراء هذا التقسيم اعتبر ان الطريق الدائرى فاصل بين محافظة الجيزة ومحافظة 6 اكتور
مفيد فوزى : على مهلك ازاى؟
عبد الحكم عليوة : ازاى مفيش فى القرار بتاع السيد رئيس الجمهورية حاجة اسمها الدائرى بالتفصيل السيد محافظ الجيزة ومحافظ 6 اكتوبر اخذوا الطريق الدائرى كافاصل كحد فاصل بين الجيزة و6 اكتوبروسيادتك انا الخريطة معايا اهى ادى نهر النيل ادى الارض الواقعة بين النيل وبين كورنيش النيل دى تتبع جزيرة محمد ده كورنيش النيل ادى الارض دى تتبع
مفيد فوزى : دى تبع مين ؟
عبد الحكم عليوة : تبع جزيرة محمد
مفيد فوزى : تبع مين مين فى المحافظة ؟
عبد الحكم عليوة : الجزء ده خدوه الجيزة والجزء ده خدوة 6 اكتوبروسيادتك ده الطريق الدائرى
مفيد فوزى : الله يعنى
عبد الحكم عليوة : يعنى
مفيد فوزى : استنى
عبد الحكم عليوة : نعم
مفيد فوزى : افرض جريمه حصلت ؟
عبد الحكم عليوة : تحت الدائرى ما نعرفش مين اللى هيتحاسب فها سيادتك اللوا مهندس / مهندس سيد عبد العزيز مش راضى يطاوع السيد محافظ 6 اكتوبر مشكورا الدكتور فتحى سعد بيقول يا تخدها كلها يا تسيبها كلها
مفيد فوزى : خلاص السيد اللواء عبد السلام المحجوب وزير التنمية المحلية ارجوك تفض الاشتباك ما بين محافظة 6 اكتوبر ومحافظة الجيزة فض الاشتباك من اجل المواطنين من اجل البسطاء من اجل اشياء شديدة البساطة ما تبقاش المسألة الناس تتعذب فى مجرد تقسيمات وهمية وانا اعلم انك راجل حازم استخدم حزمك مع السادة المحافظين
فاصل
مفيد فوزى : صباح الخير يا صباح
صباح : صباح النور يا استاذ مفيد
مفيد فوزى : معاكى ناس
صباح : ايوه ناس ركاب
مفيد فوزى : طيب اتخرى شويه عايز اقعد جنبك
صباح : اتفضل حضرتك
مفيد فوزى :عاوزك تقولى لى انتى ايه اللى خلاكى تشتغلى على التوك توك ؟
صباح : حاجات كثيرة يا استاذ مفيد
مفيد فوزى : ايه ؟
صباح : يعنى كنت بسافر برة وبعدين تعبت من السفرحبيت انى انا اقعد يعنى جنب عيالى علشان ما ينحرفوش وكدة لانهم شباب
مفيد فوزى : اه
صباح : ففكرت فى فكرة التوك توك دى وجبتها وحاولت اشغل عليها عيل لقيته كل شوية يخربة حطتها فى دماغى ان انا لازم لازم لازم اتعلم التوك توك ولازم اسوقة وكدا واشتغل عليه
مفيد فوزى : ايه مشاكلك مع المرور ياصباح؟
صباح : كثيرة
مفيد فوزى : ايه ؟
صباح : كل شوية يجوا يخدوا التوك توك يحبسوة ويدفعونى غرامه 1000 جنية 700 جنية 500 جنية
مفيد فوزى : اه اه
صباح : بنفس الطريقة واحنا بنشتغل فى شارع عشوائى زى ما سيادتك شايف لا فى وسيلة مواصلات ولااى حاجة وبعدين بنشيل ناس مرضى بيه وبنشيل ناس عجزى بيه ناس تعبانه الشارع لمؤاخذة يعنى ما يحتملش فيه عربيات راحة جاية
مفيد فوزى : لكن التوك توك ده يا صباح يعنى وسيلة يسوقها الرجالة انت بالنسبة لك الموقف اية المجتمع بيبص لك ازاى؟
صباح : ابدا هنا ولاد حتتى كلهم عارفنى وبيحبونى وبيحترمونى وبيقدروا ان انا واحدة ست وبشتغل الشغلانه ديت وفى نفس الوقت بيشجعونى انى انا اشتغلها يعنى
مفيد فوزى : ايه مشاكلك مع الركاب يا صباح؟
صباح : مفيش اى مشاكل بالعكس الركاب كلها بتحب ان هى تركب معايا
مفيد فوزى : ايه الافضل فى الركاب الستات والا الرجالة ؟
صباح : والله كل اللى هنا لان انا بامشى بالراحة وهو الراكب عاوز اللى يمشى بالراحة ما يكلش مطبات يوصلة بسلام وخلاص
مفيد فوزى : بتنقلى كام واحد فى التو ك توك ؟
صباح : مثل 3 - 4 - 2 - ممكن 1 ممكن امشى فاضية وكده يعنى هى مش شرط
مفيد فوزى : بتشتغلى من الساعة كام الى كام ؟
صباح : من الساعة يعنى 4 او 5 اخر النار الى الساعة واحدة صباحا
مفيد فوزى : الله دا شقى يعنى
صباح : ايوه شقى
مفيد فوزى : اتخلقتى عشان تتهننى يا صباح
صباح : شقى وتعب
مفيد فوزى : اتخلقتى عشان تتهنى يا ست صباح مش عشان الشقى
صباح : طب نعمل ايه
مفيد فوزى : طيب انا بقى دلوقتى مادام انتى يعنى معاكى زبائن هعطلك عن رزقك يالله اتكلى على الله
صباح : عادى عادى