بالفيديو.. السيسي: «جيش مصر هو فخر مصر.. وسيظل درعًا تحمي الوطن»

قال الرئيس عبد الفتاح السيسي، إن جيش مصر هو فخرها وعزها، مضيفًا: «جيش مصر يعني فخر مصر، جيش من الشعب وجيش بتاعه وجيش ليه، هو ده جيش مصر، فخر مصر، وسيظل درعًا تحمي الوطن».
أضاف السيسي، خلال كلمته على هامش حضوره احتفال تخريج دفعة الكلية الحربية، اليوم الأربعاء: «إمبارح بيبلغوني إنه هيكون في ذخيرة حية وبتاع أثناء العرض، قولتهم وإيه المشكلة، وإيه يعني، دايمًا الجيش المصري ده عند مستوى الثقة فيه».
تابع: «الجيش يقوم بالدور المطلوب منه لحماية تراب هذا الوطن، وربنا يوفقه في ذلك، وأسجل لأبنائه الشهداء كل الاحترام والتقدير، وكذلك شهداء الشرطة والقضاء، وأتمنى كل الصحة والعافية للمصابين».
واستكمل: «الجيش تولى مسئولية تأمين الحدود قبل 30 يونيو ب6 شهور، والقوات الجوية تؤمّن حدودنا على مدار 24 ساعة، عشان ماحدش يقرب لمصر ولا للمصريين، وفي ناس كتير ماتعرفش الكلام ده».
واختتم: «باهني الخريجين، وباقدم كل التحية لأسرهم، مش بس لأنهم ربوهم كويس، عشان كمان إنهم قدموهم لمصر ليكون لها حمايةً ودرعًا، وربنا يحفظكم ويحفظ مصر وجيشها ويحميه من كل شر».