بالفيديو| خالد تليمة عن واقعة «سيدة المنيا»: منتظرين إيه من محافظ «البيضة المقدسة»

جدد الإعلامي خالد تليمة، هجومه على تأخر محاسبة المسئول عن تعرية "سيدة المنيا" سعاد ثابت، أمام أهالي قرية الكرم، التابعة لمركز أبوقرقاص في محافظة المنيا، قائلًا: "إلى هذا اليوم القانون بينتهك لصالح ناس عندهم ضهر، وناس تانية بتضرب على بطنها عشان ملهاش دضهر، وناس بتتحبس وتتهان كرامتها عشان رأيها، وفيه مسجون عايز يتعالج مش بيعرف يتعالج إلا لما الإعلام يتكلم والناس تكتب عنه".
وأضاف "تليمة" خلال تقديم برنامج "صباح أون"، المذاع على فضائية "أون تي في"، اليوم الأحد، "واقعة سيدة المنيا ظهرت بعد مرور 5 أيام على حدوثها، والموضوع كان مطرمخ عليه، الست إللي خدتها من الشارع قالت أخدتها ولبستها والناس بيحاولو يكدبوا كدا".
وتابع: "أنا افتكرت أن محافظ المنيا هو محافظ البيضة المقدسة، ومنتظرين منه إيه - فاكرين أنتم موضوع البيضة المقدسة، ولازم يقول محصلش حاجة والموضوع زي الفل"، متساءلًا: "احنا بنختار المحافظين إزاي وعلى أي أساس؟، هو الحكاية ناس بتقول آمين وإشطا، ولا فيه تصور لاختيار ناس مثقفة سياسيًا، ويبقى عارف إيه إللي يضايق الناس، هيبة الدلة اتمرمغت في التراب بالصلح دا، كام صلح حصل في حوادث من نوع دا؟، ومش هنخلص ومش هننتهي الحل في تطبيق القانون".