عزمى مجاهد مهاجمًا «تليمة والحسيني»: لموا نفسكم.. اللي «بيقبضوا» معروفين

انتقد الإعلامى عزمى مجاهد، مساء أمس الجمعة، ما سماه "فوضى إعلامية" تعيش فيها قنوات تسيء للدولة ولنساء مصر، مضيفًا "أنا مش إعلامى ولا يشرفنى أن أكون إعلاميا وأنا راجل بقدم مهمة لبلدي فقط".
وهاجم مجاهد، خلال برنامجه "الملف" المذاع عبر فضائية العاصمة، الإعلامي خالد تليمة مقدم برنامج "صباح أون"، على فضائية "أون تى فى"، قائلاً "إنت من خريجى قهاوى عابدين ووسط البلد، ومعرفش إذا كانت الداخلية لسة سايبة قهوة الملحدين والشواذ ولا لسه، وأنت عيل صغير مش هرد عليك، وهرد على اللى مشغلك".
واستكمل موحها حديثه إلى الإعلامي يوسف الحسيني، مقدم برنامج "السادة المحترمون" بقناة "أون تى فى"، قائلًا "لموا نفسكوا، والله مفيش عندى سقف، علشان مفيش حاجة أداريها، وكل واحد على راسه بطحة يحسس عليها، واللي بيقبضوا وباعوا البلد معروفين".