بالفيديو| يوسف «فريسكا» ل«منتقديه»: «أنا تعبت عشان أحقق حلمي»

نشر يوسف عبد الراضي، الشهير ب"يوسف فريسكا"، فيديو له عبر صفحتة الشخصية على موقع التواصل الاجتماعي "فيسبوك"، تحدث فيه عن الانتقادات التي وجهت إليه واتهامه بأنه أداة إعلامية استخدمت للإساءة إلى الشباب.
وقال يوسف: "أنا عايز أوضح للناس قد إية أنا تعبان في حياتى وعن كمية الضغط اللي أنا بتعرضله والهجوم الغير مبرر عليا وعلى حياتي، شكرا لكل الناس الى بتهاجمنى بس انت كدا فعلا بتشجعنى إنى أتحرك أكتر وأكتر ومش هقف ولسة هكمل حتى لو لوحدي".
ووجه بائع الفريسكا سؤالا إلى منتقديه، قائلًا: "أنتم ليه وافقين بيني وبين حلمي؟"، مضيفًا: "أنتم مضايقين عشان جاتلي منحة وأنتم لا، أنا تعبت عشان أحقق حلمي، وعندي يقين إن ربنا هيعملي حاجة لكن إنت ممكن بقالك 3 سنين متخرج دا مش ذنبي".
وتابع: "أنا بعرف أمثل لكن مش أبقى كداب لا بضحك في وشوشهم بس أنا عندي هموم محدش يعرفها، أنا قاعد في فيصل في شقة إيجار وبنام على الأرض، ومش معايا فلوس أصلا".
ووجه يوسف رسالة إلى منتقديه قائلًا: "حياتي الشخصية محدش ليه دعوة بيها وخط أحمر، ومش هتفرق معايا المنحة قد متفرق إني أبقى عندي مصداقية عند الناس وأقسم بالله مش بكدب، أنا مش صغير عشان يقولولي إني أداة إعلامية، أنا طلعت في برنامج صاحبة السعادة مع إسعاد يونس عشان آخد فلوس وكنت محتاجها أنا بتعب عشان أجيب الجنيه بالحلال مش قاعد على القهوة".