أنا بنت عندي 23 سنة، متخرجة بقالي سنتين، مشكلتي إني قاعدة فاضية باحاول أعمل أي حاجة في حياتي عشان أشغل وقت فراغي؛ بس بالرغم من ده في دماغي حاجة واحدة، نفسي أحب واتحب، عمري ما حبيت ولا اتحبيت قبل كده، ساعات أقول لنفسي إن ده كويس؛ يعني يبقى حبيبي هو خطيبي هو جوزي هو واحد من الآخر؛ بس الفراغ هيقتلني لغاية ما جه حد قريب من بعيد قالي إن هو معجب بي وإيه رأيك تكملي معاي ولا لأ؛ المهم الموضوع اتلخبطت، وشوية يكلمني وشوية لا؛ بس المشكلة مش بيعمل حاجة عشان يحببني فيه، مش بيسأل كتير زي ما أي حد معجب بحد والمفروض إن هو بيحبه ويعتذر إن هو عنده شغل المشكلة لما بابقى مخنوقة مش بالاقي غيره هو يسمعني بس في نفسي باحس إن هو مش حاسسني، وهو مش فاهم إذا أنا محتاجة ليه ولا لأ والمشكلة الأكبر إن هو مش فتى أحلامي زي اللي في خيالي؛ بس باحتاج له ساعات ألاقيه وساعات لأ المشكلة إني تعبت؛ معاه تعبانة ولوحدي تعبانة، أنا حاسة إني لوحدي ومش عارفة أعمل إيه عشان أطلّع الإحساس ده من دماغي؛ بس تعبت بجد، حاولت أتكلم معاه بس برضه مش فاهم الكلمة اللي (أنا أي وقت تحت أمرك لما تعوزيني كلميني)؛ بس أنا مش عاوزة كده أنا عايزة حد يقتحم حياتي حتى لو أنا مترددة، في البداية نفسي أعيش زي ما باشوف أصحابي بيتقال لهم. أرجو الرد وشكرا ليكم وآسفة إني طولت عليكم. shymaa