محافظ الشرقية لمعلمة: «أنا لو طولت أدي المدرس بالجزمة على رأسه‬»

المعلمة قالت إنَّ المحافظ يتعلم مع المدرسين كأنهم تجار مخدرات
نشرت هبة يونس مُعلِّمة بمدرسة اللغات الثانوية بنات بمدينة الزقازيق بمحافظة الشرقية شكواها من الدكتور رضا عبد السلام محافظ الشرقية، وما اعتبرته إهانةً تعرَّضت لها من المحافظ خلال زيارته للمدرسة يوم الخميس الماضي.
وقالت "هبة"، في تدوينة على صفحتها الشخصية بموقع التواصل الاجتماعي "فيسبوك": "محافظ الشرقيه المحترم عمل زيارة لمدرسة اللغات بنات.. وبعد ما استمع لشكاوى الطالبات وعايز يمشي أنا قلت له هو التعليم طلبه بس مفيش مدرسين عندهم شكاوى تعرفها وتاخد عنها فكرة.. قالي اتفضلي.. أول مشكله أنا كمدرسة محترمة مش عندي كرسي أقعد عليه ولا درج أحط حاجتي فيه.. رد بمنتهى السخريه وقالي ظروف مدرسة وبعدين هو المدرس معاه غير كشكول وقلم وطبعًا اتصدم لما شاف شنطتي مليانة كتب وكشاكيل".
وأضافت: "حضرتك بتحارب الدروس والاستغلال ده شيء جميل.. بس مش بطريقة تجار المخدرات أخد بوكس وعساكر وتصوير وأهين المعلم وكمان أعمم الإهانة على كل المدرسين.. المفروض أدور على الأسباب وأعالجها وأرفع من مكانه المعلم المعنوية والمادية علشان يبقى عفيف النفس ولا يلجأ للدروس".
وتابعت: "في هذه اللحظه تحوَّل المحافظ تمامًا.. انفعل وارتفع صوته ووصلت بيه إنه قال امام الجميع وامام الطلبه ‫#‏انا_لو_طولت_ادى_المدرس_بالجزمه_على_رأسه‬ طبعًا التصوير وقف والكاميرات كمان.. وفي الآخر طلع المحافظ محارب الفساد في المدرسة وخصم للعمال "الحيطه المايله" ثلاثة أيام علشان الحمامات.. ووقف مدرسة عن العمل بدون تحقيق لمجرد إن شويه بنات فاشلة قالوا إنها بتهددم بدرجات السلوك وده طبعا بسبب سوء سلوكهم.. هو فين حقنا كمعلمين فى المعامله المحترمة والدخل المحترم؟".
وبعد نشر تدوينتها بدقائق، انتقد العشرات من رواد "فيسبوك" طريق تعامل المحافظ مع المدرسين، واتهموه بالفشل في إدارة شؤون المحافظة، فيما تتضامن آخرون مع المحافظ ضد المدرسين، واتهموا المعلمة بأنَّها ضد النظام الحالي، وضد الرئيس عبد الفتاح السيسي، وهنا قامت المعلمة بنشر تدوينة أخرى ردًا على هؤلاء قائلةً: "أنا مش فاهمة الناس اللي رابطة ما بين حبي واحترامي للسيسي وما بين رفضي لأسلوب محافظ الشرقية.. الموضوع ملوش علاقة بأي انتماء سياسي، هو معنى إني برفض سياسة محافظ تمَّ تعينه من قبل السيسي يبقى أنا غلطانة إني بحترم السيسي.. لأ أنا مازلت مع السيسي وهو مش مسؤول عن كل غلط أي حد ممكن يعمله وكل بني آدم خطاء إحنا بشر مش أنبياء".