مرتضى: «بقول للأهلوية اللي فاكرين إنهم هيكسبونا ربنا مبيحبش الافتراء»

قال رئيس نادي الزمالك، المستشار مرتضى منصور، اليوم السبت، إن لاعبي فريقه «رجالة»، وعلى قدر مسئولية مباراة القمة مع النادي الأهلي، المقرر إقامتها الاثنين المقبل، بنهائي كأس مصر.
وأضاف منصور، خلال تصريحات لبرنامج «الملاعب اليوم»، عبر فضائية «الحياة 2»، «دول ولاد رجالة كلهم، كلهم على أعلى مستوى، عارفين قيمة الزمالك، عارفين قيمة المنافس النادي الأهلي».
وتابع: «بالنسبة للسخرية اللي على مواقع التواصل الاجتماعي وإنهم فرحانين إننا كسبنا سموحة عشان هما يكسبونا: عايز أقولهم ربنا مبيحبش الافتراء».
واستكمل: «بقول لجماهير الزمالك إن مفيش جاميكا، هنلعب راجل لراجل، وهنكسب إن شاء الله، وإن الأهلي فاز فهو نادي كبير ومعنديش مشكلة».