احمد عفيفي يكتب : علاء صادق «إخواني مسخرة» .. ورقاصة «مقملة»!!

انا مش عارف هو نفسه في إيه بالضبط .. عايز مثلا يبقى وزير الرياضة والشباب ؟ .. أبعد من شنبه .. عايز يبقى وزير إعلام ؟ .. «قفا» غيره سبقه وأخذها .. يمسك مثلا وزارة الداخلية ؟ .. مينفعش .. لأنه قلة ونفخة هوا تطيّره ، ولو حصل ، مش حيعرف يشخط في عسكري عنده .. طيب نفسه يبقى إيه ؟ .. آه .. عرفت .. نفسه يبقى «رقاصة» .. فشر دينا وفيفي عبده .. تخيلوا كده وهو لابس بدلة رقص عريانة وباروكة حمرا زي «....» وقاعد يرقص لمرسي وحكومة مرسي .. ومع كل قرار معفن يميل ميلة نسوانية على كتف الرئيس ويقول : ياختي عليكي وعلى قراراتك الحكيمة .. اضرب في المليان ياريس .. ده شعب «ابن قحبة» .. ميجيش غير بضرب الجزمة!
بصراحة رغم إعجابي بعلاء صادق كناقد رياضي وبمعلوماته الدقيقة عن كل ما يخص الرياضة العالمية .. إلا إني دلوقتي مش طايق ابص في وشه ولا اقرا له اى حاجة ، لأنه دخل في السياسة دخلة شمال، وهو في المسألة دي «طور الله في برسيمه» .. وعشان هو كده .. مالوش غير في الكورة .. فلما يتكلم في السياسة لازم يبقى «رقاصة.. ورقاصة معفنة اللي بتيجي الفرح بعشوة» رغيفين وحتة جبنة قديمة.. وتبقى حريصة دايما انها ماتهزش راسها كتير وهى بتميل على المعازيم عشان «القمل» المعشش في راسها مايسرحش وتلاقي الجزم بتتحدف عليها من كل اتجاه!
مال امك انت ياسي علاء واسم الدلع «علوقة» بالسياسة .. لا انت قريت فيها ولا تعرف عنها السما م العمى .. ولو سألتك مثلا عن فضيحة ووترجيت حتسألني : هى كانت في ماتش إيه ؟ .. ولو سألتك عن فضيحة مونيكا وكلينتون حتقوللي بسبب الفضيحة دي كلينتون اعتزل من مانشيستر ومسح تاريخه الكروي باستيكة .. ولو قلت لك بوش لعب لعبة وسخة بعد أحداث سبتمبر ، حترد وتقوللي عشان كده لما راح ريال مدريد قلشوه!
يعني البيه لامؤاخذة «...» .. وميعرفش الالف من كوز الدرة في السياسة ومعلوماته عنها زي معلومات فيفي عبده عن الفيمتو ثانية .. فإيه اللي خلاك تتحشر فيها زي البق مبيحشر نفسه في " مُلل " السرير ، وبالليل يسرح ويمص في دم اللي نايم.
انا فاكر اني كلمتك مرة من الكويت بعد حلقة كنت انت ومصطفى تونس مع طوني خليفة .. وكتبت مقال متهيألي انه عجبك جدا ، لاني قلت فيه انك مسحت بكرامة يونس الأرض بهدوء وبمعلومات يفتقدها كلية يونس افندي .. وكان قاعد قصادك زي البت اللي جاتها الدورة فجأة وهى في الشارع ومعهاش «اولويز» .. وعجبك المقال .. وانت كنت عاجبني لانك بتتكلم عن مذبحة بور سعيد وحرصك الشديد على عدم عودة الدوري قبل القصاص من المتهمين .. ساعتها مرسي مكنش رئيس ولا اسمه مطروح من الأساس .. المهم كنت بتتكلم بمنطق وعقلانية وثورية أيضا احترمتها فيك كمصري .. لكن من ساعة ما مرسي بقى رئيس والإخوان اتحكموا .. وانت بقيت مسخرة في دفاعك عنه وعنهم .. مع ان بنفس منطقك اللي عجبني في حكاية بور سعيد .. كان لازم «لو عندك دم» تدافع عن حق السبعين شهيد واكتر اللي اتقتلوا في عهد مرسي .. حاطط جزمة في بقك وبتتكلم زي البغبغان وتطبل وترقص .. انما عند الحتة دي تخرس خالص .. كأنك اعمى مش شايف .. ولو شايف يبقى جلدك زي صاحبك «تخين» مش بتحس .. ومادام مفيش احساس حتجيب النخوة منين .. ومادام مفيش نخوة .. يبقى مفيش غير اني البس بدلة رقص وارقص واعري جسمي يمكن يرضي عني عمي السلطان.
من زمان وانا عايز اكتب عن مواقفك المضحكة المُبكية وانحيازك الاهبل والعبيط لمرسي وجماعته .. لكن كان فيه حاجات أهم منك تشغلني .. لحد ماقريت لسيادتك ياجناب البيه المهم تغريدة أشبه ب «النهيق» وانت مش عاجبك قرار مجلس الدولة بإلغاء قرار رئيس الجمهورية بإجراء انتخابات مجلس الشعب .. وشايف ان ده حيعطل عجلة الانتاج بتاعت زمان وبتاعت دلوقتي .. وحيخلي بتوع الثورة المضادة يطمعوا اكتر والدنيا حتقف وموت ياحمار على مانشوف قومة للبلد دي.
ده اللي انت بتقوله .. انما الحقيقة اللي قالق جنابك السبوبة او الحاجة اللي طمعان فيها لو الأمور استقرت واتحكّم مرسي وجماعته .. بس واحد زيك ممكن ياخد ايه من لا مؤاخذة التعريص والتطبيل والنفاق وبيع الضمير ؟ .. والله ماعارف .. يمكن تاخد .. ويكون عندك حق ونظرك أبعد مني .. ماهو اللي خلّى ياسر على مسؤول عن مركز معلومات الدولة وهو طبيب أمراض جلدية .. واللي خلّى حسن البرنس نائب محافظة الإسكندرية .. وهو طبيب اشعة .. واللي خلّى مرسي نفسه رئيس جمهورية وهو مالوش في الحدوتة دي من أساسها .. يخليك انت كمان طمعان في حتة تقعد عليها و «تاخد فيها» اللي انت عايزه.
بس تصدق انت عندك حق وشايف مصلحتك فين مضبوط .. حتى لو مصلحتك دي تستلزم منك انك تعري مؤخرتك .. ولا حاجة .. ايه يعني .. انشالله الكل يقرف ويداري وشه .. المهم انا «حاخد فيها» ايه اللعبة دي كلها .. الفرصة مبتجيش غير مرة واحدة وبس .. حاولت اطبل ايام مبارك فكانوا شايفني اقل من اني أكون مطبلاتي ليهم .. واديها جاتني في عهد مرسي .. وكل ما واحد يقول كلمة وحشة في حقه .. اطلع زي الخازوق وارد عليه .. والمسالة دي عاجبة اللي فوق .. اذن يتفلق الناس اللي تحت مادام في الاخر لازمن ولابد اخرج من الحدوتة دي بحاجة حلوة .. حتقوللي مش هى دي الثورة ارد : سلامات ياثورة .. حتقوللي حق اللي ماتوا .. ارد : سلامات ياشهدا .. حتقوللي حتفضل تاخد فيها لحد امتى .. حارد : وانت ايه اللي مزعلك .. هى لامؤاخذة بتاعتي ولا بتاعتك!!