فيديو| أحمد زكي لعزت أبو عوف: «إنت ممثل فاشل.. وأنا مش مقتنع بيك»

كشف الفنان عزت أبو عوف، عن أغرب موقف جمعه بالفنان الراحل أحمد زكي، الذي شهدته كواليس فيلم "أرض الخوف"، قائلًا: "كان في مشهد بيني وبين أحمد زكي، والمفروض إني كنت بتخانق معاه فيه، ولقيته قبل المشهد عمال يستفزني في الكواليس، ويقولي إنت مش عارف تعمل الدور كويس، وحاسس إن جواك مش ممثل".
وأضاف أبو عوف، خلال حديثه لقناة "سي بي سي" أمس: "أنا ابتديت بقى أسخن، وقلتله إن في ناس كتير شكرت فيا، وقالت عليا ممثل كويس، ولقيته رد عليا وقالي أنا ماليش دعوة بجد، أنا مش مقتنع بيك".
وتابع: "اتعصبت بعدها من أحمد زكي بجد، وبدأت أبصله بصات زعل بجد، ووقتها قالهم خلاص يا جماعة إحنا جاهزين نصور".