عطية مدافعًا عن باسم يوسف: دولتكم الفاشية سيقتلها عفن الفساد

علق الفنان محمد عطية، على حكم من مركز القاهرة للتحكيم الدولي، الذي يُلزم الإعلامي الساخر باسم يوسف، مقدم برنامج ''البرنامج''، بدفع مبلغ 50 مليون جنيه وشركة كيوسوفت مبلغ 50 مليون جنيه لمجموعة قنوات "سي بي سي".
وقال "عطية"، على صفحته بموقع التواصل الاجتماعي "فيس بوك": "تغريم باسم يوسف 100 مليون جنيه، قرار سياسي بحت في محاولات للقضاء عليه نهائيًا، باسم يوسف هو أفضل ما أنتجته الثورة كإعلام حر وفكر جديد، يدفع ثمن رفضه للنفاق وتغريده خارج السرب وحيدًا".
وأضاف: "في عهد السيسي يتراقص الإعلام المضلل تطبيلًا ونفاقًا على صوت واحد كالقطيع ويُمنع الإعلام الحر ويُغرم ويُطارد صاحب كلمة الحق، ثم تجد من يحدثك عن الحريات فى عهد السيسي، دولتكم الفاشية سيقتلها عفن الفساد، جتكم القرف".
وتابع: "وبعد البهدلة اللى بتحصل فى باسم يوسف ومطاردته بالمنظر ده عشان 3 حلقات ضد السيسى تلاقى واحد إخوانجى يقولك: "بس باسم يوسف مش بطل يعنى ده خلع بمزاجه ده جبان يا عم، طب وحضرتك شايف مين البطل؟ قطر يا عم وقفت جنبنا بإعلامها الحر مش بتاعه مصلحتها زى باسم، أيوه بس قطر وقفت الجزيرة مباشر مصر، إمتي ده؟ فى نفس الأسبوع اللى اتصالحت فيه مع السيسي، يا راجل هما إتصالحوا؟؟ فى نفس الأسبوع اللي السعودية أمرت فيه بده، وده إمتى؟ فى نفس الأسبوع اللى مذيعة الجزيرة قالت فيه على السيسي زعيم، هى قالت عليه زعيم؟ فى نفس الأسبوع اللي لبسوا باسم فيه 100 مليون غرامة، بس باسم يوسف مش بطل يعنى ده خلع بمزاجه.. ده جبان يا عم .. ( بنفس الأداء)وإنت عامل دلوقتى؟"