بالفيديو.. فتاة تحارب التحرش على طريقتها

قامت فتاة في كلية الفنون التطبيقية، في الجامعة الألمانية، وتدعى نور إمام بحلق شعر رأسها تمامًا في فكرة منها في مواجهة التحرش، وأضافت أنها رصدت التغيرات في نسبة التحرش بها على مدي شهر ونصف قبل حلاقة شعرها، وبعد حلاقة شعرها.
وقالت إمام "أنا طول عمري كنت من البنات اللي بهتم بشعري أقص شعري أغير تسريحته، ففكرت إني أشيله، ولكني خفت من الفكرة، جت السنة دي الفكرة راودتني تاني وقلت أنا هعمل فيلم وثائقي، أشوف التجربة اللي بمر بيها مع نفسي، بدأت أسجل من شهر ونصف قبل الحلاقة، ويوم الحلاقة، وبعد الحلاقة".
وأضافت نور: "ردود الأفعال كانت غريبة، اللي معايا في نفس الكلية مشجعين لما أفعل، لدرجة الدكتور قال لي أنا حاسس إني أول مرة اشوفك، وأما في الشارع فكانت نظرة الناس مختلفة تماما، فكان بعضهم يعتقد أني مريضة".
وتابعت نور: "أول أسبوعين مافيش تحرش تماما، كانوا مش عارفين إيه دي، ولما بدأ يطول شوية بدأت أتعاكس بالإنجليزي".