الأهلي نيوز : كيف ظلم الكاف أبوتريكة وحرمه من جائزة أفضل لاعب أفريقي

الأهلي نيوز : في كلام كتير من لاعبين ومدربين وصحفيين افارقة وعالميين عن تريكة ولكن من اهم التصريحات بالنسبة لي هو تصريح “دروجبا” اسطورة كوت ديفوار عن تريكة واللي بيقول فيه انه “اكتر اسطورة إفريقية لم يتم تقديرها” ولما الكلام يطلع من دروجبا تحديدا فهو عارف هو بيقول ايه أكيد ، دروجبا أفضل لاعب إفريقي سنة 2006 و 2009 بناء على اختيار الكاف، اللي -بالنسبة لي على الأقل- ظلم تريكة سنة 2006 تحديدا!
الأهلي نيوز : الكاف حرم أبوتريكة من حقه
الأهلي نيوز : معظمكم هيقول اكيد تقصد سنة 2008 لما تم اختياره التاني بعد اديبايور، لكن لأ أنا اقصد 2006 تحديدا لإنها (السنة الأفضل في تاريخ ابو تريكة)!
حقق (6 بطولات من أصل 7) شارك فيهم:
الدوري المصري
كاس مصر
السوبر المصري
السوبر الافريقي
دوري ابطال إفريقيا
كأس الأمم الإفريقية
برونزية كأس العالم للأندية
الأهلي نيوز : لم يحصل علي البطولات دي لمجرد وجوده في قائمة الفريق، لكن كان له دور وبصمه:
هداف الدوري المصري موسم 2005/06 برصيد 18 هدف
سجل هدف فوز الأهلي بالسوبر المصري على انبي 1/0 (دقيقة 91)
سجل هدف فوز الأهلي بدوري ابطال إفريقيا امام الصفاقسي 1/0 (دقيقة 92)
سجل هدفي فوز الأهلي ببرونزية كاس العالم امام كلوب امريكا 2/1
سجل ركلة الترجيح الحاسمة في نهائي كأس الأمم الإفريقية أمام كوت ديفوار
الأهلي نيوز : وبشكل عام سجل خلال السنة دي (34) هدف مع الأهلي والمنتخب، كأفضل رقم تهديفي له طوال مسيرته، والمفارقة إن دا نفس عدد الاهداف اللي سجلهم دروجبا نفسه في سنة 2006 مع تشيلسي وكوت ديفوار! لكن دروجبا ماخدش مع تشيلسي في السنة دي إلا الدوري الانجليزي فقط! وطبعا تريكة متمش اختياره حتى ضمن أفضل 3 لاعبين في السنة دي، رغم انه عمل كل حاجة في الكورة تقريبا، لكن لمجرد انه بيلعب داخل إفريقيا، فتم تجاهله لصالح محترف حقق بطولة واحدة مع فريقه!
الأهلي نيوز : طبعا أنا مش هقدر الوم الكاف كتير على ظلم تريكة، لإن معظم الافارقة -والمصريين مش استثناء- عندهم عقدة خواجة، وهيقولك ياعم انت بتقارن اية بايه، رغم ان كل الارقام تنصف تريكة (صانع الالعاب مش المهاجم الصريح) ، أبوتريكة لم يتم تقديره من الكاف، لكن ربنا عوضه بحب الناس اللي بيزيد مع مرور سنين على اعتزاله، كل سنة وأنت طيب يا ماجيكو