الأهلي اليوم : 10 حقائق عن أزمة الدرندلي وتركي .. وحقيقة الخروج من الأزمة

الأهلي اليوم : فيما يخص الازمة الاخيرة اللي حصلت لعضو مجلس ادارة الاهلي خالد الدرندلي .. وتطور الخلاف بينه وبين قطاع كبير جدا من جمهور الاهلي على السوشيال ميديا ، 1- هناك ازمة سابقة ومتأصلة بين مالك نادي بيراميدز تركي آل الشيخ ومجلس ادارة الاهلي كاملا بعد ان وصفهم باوصاف واتهامات شنيعة ، 2- بدون شك طبيعية المجال ممكن تخلي في مقابلة تحصل بين اي من الطرفين سواء بالصدفة او حتي بدون صدفة في اي مكان ..وان يتبادل الطرفين السلام او التحية امر متاح وبدون شك قمة ” المثالية” من الطرف اللي اتشتم انه يرد التحية لطرف شتمه واتهمه باتهامات مش بسيطة.
الأهلي اليوم : سر غضب جماهير الأهلي من الدرندلي
الأهلي اليوم : 3- وبناء عليه.. الدرندلي مفهمش ان غضب الجمهور الحقيقي مش من السلام في حد ذاته.. لا طبعا.. الغضب الاساسي من الموافقة على التقاط الصورة وشكلها بالابتسامة المفرطة لانها اوحت انها دليل ان الازمة خلصت4- وبناء عليه.. الدرندلي عندما تحدث في قناة الاهلي اتورط لما برر الموقف بمبادئ الاهلي ومبادئ الدين الاسلامي .. والفكرة وانه مش واخد باله اساسا من المشكلة.. لان مبادئ الاهلي وتعاليم الدين الاسلامي بيقولوا ترد التحية بتحية افضل.. مش ترد الصورة بصورة افضل
الأهلي اليوم :5- ورطة الدرندلي زادت لما قال ملن أعتذر ولو الموقف اتكرر هعمله تاني.. وهو هنا يقصد السلام.. وصحيح معاه حق مستحيل حد يجي يسلم عليك حتي ولو فيه مشكلة معاه.. لازم ترد السلام باحسن منه.. لكن مش ديه اساسا مشكلة الجمهور.. المشكلة في الموافقة علي التصوير ،6- وبناء عليه .. جمهور الاهلي اعتبر كلام الدرندلي عند ومكابرة اكبر ودخول في المواجهة معاه وعشان كدة الانتقاد زاد اكتر بعد المداخلة غير الموفقة علي القناة..
الأهلي اليوم : حل للدرندلي للخروج من الأزمة
الأهلي اليوم :7- وبناء عليه.. العلاقة بين الاتنين وصلت فعلا لنقطة مسدودة حاليا.. وكان ممكن تتحل لو الدرندلي في المداخلة اكد علي ان السلام الشخصي محلش الازمة الموجودة فعليا بين الطرفين.. ويبان في كلامه انه ما زال متأذي من اللي الاتهامات اللي اتقالت عليه وعلي زمايله في المجلس .. لكن هو كان كل فكره وتركيزه ازاي يبرر الصورة بس..
الأهلي اليوم :8- الحل للمشكلة ان يخرج الدرندلي عبر قناة الاهلي ويجاوب علي السؤال المهم ” هل ردك التحية بتحية افضل معناه ان الازمة القديمة خلصت وانك نسيت خلاص الاتهامات اللي وجهتلك ووجهت لزمايلك ؟! ..9- اجابة الدرندلي بدون شك وبدون وقت طويل بعدها .. هي اللي هتحدد شكل علاقته بجماهير الاهلي .. وكمان مستقبله في المجلس الحالي للنادي.