سخر نشطاء مواقع التواصل الاجتماعى من مواليد 4 مايو، والذى يوافق يوم عيد ميلاد الرئيس المخلوع حسنى مبارك ونائب مرشد جماعة الإخوان الإرهابية خيرت الشاطر، مما جعلهم يطلقون عليه يوم ميلاد الأشرار على كوكب الأرض. وانهالت التعليقات الساخرة من قبل رواد شبكات التواصل الاجتماعية من هذا اليوم، وكان أبرزها: أتارى 4 مايو ده طلع يوم ميلاد الأشرار على كوكب الأرض .. اللى يجيلها عريس مواليد 4 مايو تفتح فى وشه طفاية الحريق !. من عجائب القدر أن الرئيس مبارك عيد ميلاده 4 مايو..نفس يوم عيد ميلاد الشاطر. والرئيس مبارك مواليد سنة 28 نفس سنة تأسيس جماعة الإخوان : خيرت الشاطر من مواليد 4 مايو1950 نفس تاريخ ميلاد "حسنى مبارك وزوجته اسمها سوزان" يا محاسن الصدف مش مهم إنه مواليد 4 مايو ولا إن مراته اسمها سوزان.. المهم معاه ضمان 80 سنة هو كمان؟ هاع هاع بيقولك الشاطر مواليد 4 مايو يا حبيبى زى مبارك بالضبط يا محاسن الصدف "ما جمع إلا أما وفق" إحنا ممكن نلغى اليوم ده أصلا من التاريخ ونرتاح من دراويش مبارك وخرفان خيرت نبعتلهم تورته مفخخه ونخلص. كمان عيد ميلاد سجن طرة-افتتاحه كان نفس يوم ولادة مبارك. ابنى عيد ميلاده النهارده هو بصراحه مخه طخين زى مبارك يلا يمكن يطلع رئيس مصر القادم. طب الحاج أبويا مولود فى نفس اليوم ده: نوئده هو كمان ولا ينفع نسيبه علشان الحاجة. يذكر أن الناشطة السياسية نوارة نجم، سخرت من تأجيل إذاعة اللقاء التليفزيونى للمشيرعبدالفتاح السيسي، إلى يوم الاثنين القادم بدلا من يوم الأحد الموافق لذكرى ميلاد مبارك وخيرت الشاطر. وتابعت فى تغريدة لها على تويتر، قائلة "بكرة عيد ميلاد مبارك وخيرت الشاطر، اللى مولودين يوم 4 مايو دول لازم يتوئدوا أول بأول عشان مصر".
