أجمل النكت المصرية علي المنتخب الجزائري

صوت الأمة تنشر :

· هذه مجموعة من التصميمات التي وضعها المصريون علي موقع الفيس بوك
يعرف الشعب المصري دائما علي انه رجل النكتة الاول في الوطن العربي وقادر علي تحويل أتعس اللحظات في الحياة الي مسرح كبير للسخرية ، العديد من الزعماء والملوك والرؤساء كانوا ابطالا للعديد من النكات خفيفة الظل التي سيطرت علي رجل الشارع المصري وتم تداولها في المقاهي الشعبية بل ان اغلب الرؤساء والزعماء والملوك كانوا يسقطون في نوبات ضحك وهم يسمعون النكات حولهم
صوت الأمة هذه المرة تنشر أجمل النكات التي أطلقت في الشارع المصري قبل مباراة مصر والجزائر في الرابع عشر من نوفمبر المقبل الحاسمة بالتأهل الي مونديال كأس العالم اذا مافازت مصر بفارق 3 اهداف او خسرت الجزائر بفارق هدف او تعادلت لا قدر الله
أجمل ما في نكات الشعب المصري علي المنتخب الجزائري هي التعامل من واقع ان الجزائر ودعت بالفعل التصفيات المونديالية أو اصيبت بالرعب قبل المواجهة المرتقبة .
النكتة الاولي
بيقولك رابح سعدان كان قاعد شغال علي اللاب توب بتاعه ، وقعد يقول يارب هاعمل ايه مع متعب هاعمل ايه مع ابوتريكة هاعمل ايه مع زكي .. وفجأة طلعله عفريت قاله : أعمل عمل اسود واقرا عليه يارب ماشوفش جوزيه يارب ماشوفش جوزيه .. فقاله جوزيه في انجولا مش في مصر .. رد عليه العفريت وقاله : أمان ربي امان .. حتي جوزيه " شحاتة خلص عليه "
النكتة الثانية :
بيقولك كريم زياني راح لدكتور نفساني عشان ياخد علاج ووصفة قبل مايشوف الرعب المصري .. فسأله الدكتور عند الكشف حاسس بايه يا زياني ؟ خايف أوي يادكتور من لاعبي مصر ياتري هايعملوا معانا ايه في الماتش .. ورد الدكتور ياتري انت في رايك هايعملوا ايه .. بصراحة يادكتور يعملوا 3!!!
النكتة الثالثة :
بيقولك محمد ابوتريكة أول مانزل الملعب وشاف القواوي أقعد يضحك ويضحك ويضحك فبص عليه القواوي وقاله مالك يابوتريكة .. مالك يا بوتريكة .. رد عليه الاخير .. شايف فيك عروسة وانا العريس وهاكون النهارده عتريس
النكتة الرابعة :
بيقولك عنتر يحيي الباك بتاع الجزائر قال لسعدان وهو مرعوب بو سعدان والنبي لاتشركني في المباراة .. فرد عليه سعدان وقاله : خايف ولا ايه يا عنتر .. رد عليه بصراحة لا بس حاسس اني هاكون عنتر اللي هايشيل من لبلب 7 وهما يكفيهم 3 بس حرام اشيل 4 تاني لوحدي .
النكتة الخامسة :
بيقولك بعد الماتش ما خلص لاعيبة الجزائر هربوا من استاد القاهرة خوفا من الجماهير والشماتة المصرية ، اختفوا مرة واحدة .. وفي اوتوبيس من الاوتوبيسات كان بتاع التذاكر بيقطع للناس فشبه علي " آنسة " فسألها أنا أعرفك صح ؟ فردت عليه فجأة : بلحاج اللي عملك محصل ، فرد نذير بلحاج بسعادة : وانت يا عبدالقادر ياغزال ايه اللي عملك آنسة .