ذوو الهمم يتحدثون: واجهنا التنمر بإرادة قوية ودعم الرئيس

حقق الرئيس عبد الفتاح السيسي ذوي الهمم الذين حضروا احتفالية "قادرون باختلافهم" الأحد الماضى، وتحدثوا مع الرئيس الذى وعد بتنفيذ أمانيهم، ولم تمر سوى 48 ساعة، على أحلامهم وأمانيهم، ليحقق لهم الرئيس ما وعدهم به.
الشعور بالامتنان والفرحة كانت غالبة على ردود أفعال الأطفال ذوي الهمم بعد احتفالية قادرون باختلاف وحديثهم مع الرئيس السيسي.
منال حسنى من بطلات الحروق:
تجربتى مع الحروق كانت قاسية شوية عليا والحمد لله قدرت أتقبل وأعيش معاها، هذه التجربة فقدت فيها والدتى وجزء من أسرتى مثل جدتى وخالى وكانت صعبة بالنسبالى جدا، وأكيد اللى شجعنى أكتر وخلانى أقاوم هو والدى، وخلانى أكمل جامعتى وأخرج للناس بعد ما قعدت سنتين فى البيت بسبب التنمر على شكلى.
وانا سعيدة أن الرئيس السيسى شافنا بقلبه، وحاسة بالفخر أنه بيشجعنى.. ومن أكثر التحديات اللى واجهتنى أنى اكمل دراستى من غير ما اتعرض للتنمر، وفيه أطفال مننا كتير اتحرموا من التعليم بسبب التشوه ده ومحتاجين المجتمع يتقبلنا ونعيش حياة طبيعية.
مهند عماد، سفير الطفولة من ذوى الهمم
لازم يكون فيه توعية بذوى القدرات الخاصة فى المجتمع، بجانب كأب احترام الآخر، والتوعية لازم تكون من خلال البرامج والمسلسلات والأفلام، وإحنا بنتعامل مع الرئيس السيسى كأب لينا.
معايا".
ملك محمد
لو أصبحت وزيرة ثقافة لأطفال مصر هاعمل عرض مسرحى لقادرون باختلاف، نناقش فيه قضية التنمر اللى بيتعرض لها ذوو الهمم، وكمان هعمل أفلام وبرامج ومسرحيات وكل حاجة لأطفال مصر.
سما رامي
كنت فخوره ومبسوطة بحصولي على حقي بالقانون وأنا بتكلم أمام الرئيس السيسى، وبأقول لكل الناس اللى بيتعرضوا للتنمر، متسيبوش حقكم وخدوه بالقانون، كمان بنشكر الرئيس عبد الفتاح السيسي على اللى عمله معانا.
إيناس الجبالى، أول بطلة من قصار القامة فى رفع الأثقال
قابلت تنمر شديد في الشارع والمدارس، وكانت المعلمة فى المدرسة تقول لى العصاية أطول منك، وكانت حاجة صعبة أن اكره المدرسة، لكن أنا الآن حاسة أنى اتولدت من جديد بعد ما حققته في مجال الرياضة.. وأقول للمدرسة التي كانت تتنمر عليا شكراً كلمتك هي اللى وصلتنى.
نورهان عثمان
ذوو الهمم لم يكونوا يحصلون على اهتمام كبير من الدولة في الماضي، وهو ما تغير تماما في عهد الرئيس عبدالفتاح السيسي، وبقينا حاجة تانية، وبقينا متغيرين، ومبقيناش بتوع زمان، الناس كانت ناسيانا، وكانت بتحصل حاجات كتير زي التنمر ومش بناخد حقوقنا، وبقينا عارفين حقوقنا دلوقتي وعايشين فيها.
محمد عبدالفتاح صاحب المركز الثانى فى مسابقة الحلم المصرى
فرصة مكنتش فى خيالنا، وعاوز أقوله النهاردة يا ريس أنا أخدت الثقة أقف قدام أى حد تانى، ومش هتهز وهكون قوى، وقلت لزملائى محدش عمل معانا كده قبل كده، وكنت بحس بألم دايما، لأنى على طول موجود فى البيت لأنى كنت بغنى وأنا قاعد فى البيت.
شاركت فى مسابقة الحلم المصرى وأنا متيقن بأننى سألتقى الرئيس عبدالفتاح السيسى، وبعدما أنهيت فقرتى، وعندما التقيته شعرت بأننى أمام أب وطاقة حنية.
مريم محسن
سعيدة جداً باستجابة الرئيس السيسى لفكرتى بأن تحمل الوثائق الرسمية طريقة برايل للتخفيف على المكفوفين، وانا عملت بحث على فكرتي، واكتشفت إن مفيش دولة فى العالم عملت الطريقة دي.