القصة الكاملة ل "مصطفى ابو تورته .. كان في تورتة مصر كلها هتموت عليها

قصة مصطفى ابو تورته ، تداولتها رواد مواقع التواصل الاجتماعي، التي قلبت كل صفحات السوشيال ميديا، لدرجة أنه لا حديث الآن إلا عن مصطفى ابو تورته، وحكياته مع خطيبته «نهال شعبان» التي تركها وحيدة يوم خطوبتهما في قاعة الاحتفالات وحيدة، واختفى هو وأهله، دون إتمام الخطبة، بحجة أن خاله مريض، والأغرب أن الفتاة نهال اتهمت خطيبها مصطفى وأهله بأنهم سرقوا تورته الفرح معهم.. فهل تريد أن تعرف حكاية مصطفى ابو تورته.
تفاصيل قصة مصطفى ابو تورته
استيقظ رواد مواقع التواصل الاجتماعي، على بوست نشرته فتاة تدعى «نهال شعبان»، تحكي فيه تفاصيل ليلة خطبتها على الشاب «مصطفى»، وكيف تركها أثناء الحفل وحيدة، فكتبت تقول: «أنا كان مقري فتحتي زي ما كله عارف على مصطفى، وخطوبتي كانت يوم السبت، اللي فات المفروض، كان بينا مشاكل زي أي اتنين عاديين، وقلت دا عادي بيحصل بس اللي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم، وحسيت في حاجة غلط، حتى مامته وأخته مفيش واحدة فيهم جت باركتلي وقولت أمشى اليوم».
وتابعت: «كل ما أقوله فين الشبكة اللي هنلبسها، يقوللي أصل أتكب عليها شربات، أصل وقع جاتوه عليها، طب خليها بعد البوفية وكلام كله غريب كدا، لحد ما دخلنا بعد البوفية لقيت أهله كلهم مشيوا، وقال إيه خالوا تعب!، فيقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيلطم وحاجات غريبة كدا، وأنا أقسم بالله ما مستوعبة اللي بيحصل، هو في واحد خاله عيان عيلته كلها بتمشي، الستات اختفوا بس كانو بيهزروا فوق نسوا العيان».
حكاية نهال مع خطيبها مصطفى ابو تورتة

وأكملت: «الأنيل إننا اكتشفنا إنهم أخدوا التورت معاهم، طب مش خالك عيان، أخدتوا التورت معاكم ملبستنيش شبكة، وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة، وأنا هبلة وافقت مجاش في بالي للحظة واحدة إنه هيعمل فيا كدا».
واختتمت الفتاة نهال قائلة: «دلوقتي حابه أقول كل دا عشان إيه؟ كان ممكن ننهي بالمعروف من غير أذى نفسي ليا، كان ممكن تسترجل وتيجي تقولي يلا نفركش وكنت لغيت الخطوبة، مش جي وبترقص وتقولي محضرلك مفاجأة، وفي نيتك تعمل فيا كدا، حسبي الله ونعم الوكيل».

السوشيال ميديا يسخر من مصطفى ابو تورته
تحول موقع التواصل الاجتماعي الفيس بوك، إلى ساحة للنكات و«الكوميكس»، الساخرة من موقف العريس الهارب «مصطفى ابو تورته»، وانحاز رواد السوشيال ميديا لموقف الفتاة «نهال شعبان»، بعد صراحتها بالحديث عن هروب خطيبها «مصطفى ابو تورته»، حتى أن الفنان الكوميدي «محمد هنيدي»، علق هو الأخر على قصة «مصطفى ابو تورته»، ونشر بوست كتب فيه: «والله كان في تورته هموت عليها».
محمد هنيدي يسخر من مصطفى ابو تورته


رواد السوشيال ميديا يسخرون من مصطفى ابو تورته


كوميكس مصطفى ابو تورته


تفاعل الكومكس مع مصطفى ابو تورته


نيكات على حكايه مصطفى ابو تورته

تفاعل الفيس بوك مع حكاية مصطفى ابو تورته

«مصطفى ابو تورته» يرد على خطيبته نهال
بعد ساعات قليلة، من تسريب قصة حديث الفتاة «نهال شعبان»، و«مصطفى ابو تورته»، ظهر حساب على الفيس بوك بأسم «مصطفى»، يرد على الفتاة باعتباره هو الشاب المقصود صاحب القصة، ويأخذ عليها ويلومها أنها نشرت قصة حفل خطوبتهما على الملأ، ويتهمها بأنها فضحت نفسها أمام الناس، فكتب معلقا: «مبروك يا عروسة علشان تبقي تسمعي كلام اللي حواليكي كويس، معلش أنا عذرك أصل المفاجأة بتاعتي بكل المفاجأت بتاعتك، وتاني الف مبروك يا عروسة يا رب تكوني مبسوطة والقلم ده يعلمك تتعملي اذاي مع اللي بعد مني، ده لو عايزة تعيشي وتفتحي بيت».
وتابع: «لو عايزة تتكلمي احكي للناس الحكاية من البداية، أنا ندمان على وقتي معاكي، أنا حبيتك بجد بس أنت للأسف ما تستاهليش الحب دا وكان لازم دي تبقى نهايتك».

مصطفى ابو تورته يرد على خطيبته نهال


حساب باسم مصطفى يرد على قصة نهال

رواد السوشيال ميديا يهاجمون «مصطفى ابو تورته»
تنوعت تعليقات رواد موقع التواصل الاجتماعي، وجائت جميعها ساخرة، ففيما يبدو أن جمهور الفيس بوك، تأثروا من صدمة الفتاة نهال شعبان، والأذى النفسي الذي تعرضت له بعد أن تركها خطيبها «مصطفى ابو تورته»، أثناء حفل الخطوبة، وحاولوا التخفيف من صدمتها والوقوف بجانبها وإضحاكها، ولم ينقسم متابعي الفيس بوك إلى فريقين، بل توحدت أرائهم باستنكار ما فعله «مصطفى ابو تورته»، وهو على ما يبدو أن الرجال أخذت صف الفتاة الضحية.
الرجال تسخر من حكاية مصطفى ابو تورتة


الرجال تتضامن مع موقف نيهال ضد مصطفى ابو تورتة