مرتضى منصور ل"ممدوح عباس": "بتتحرشوا بيا ليه"

شن مرتضى منصور رئيس نادي الزمالك هجوماً على رجل الأعمال ممدوح عباس رئيس النادي الأسبق، متهماَ اياه بالتسبب في تدمير و"خراب" القلعة البيضاء، موضحا أن تقرير الجهاز المركزي أكد أن إجمالي الخسائر التى أهدرها ممدوح عباس تبلغ مليار جنيه ومع ذلك لم يُحاسبه أحداً بل أن هناك من يُكافئه.

قال مرتضى منصور خلال مؤتمر صحفي يُعقد حالياً بنادي الزمالك، إن ممدوح عباس قام بالحجز على مستحقات الزمالك في الاتحاد الأفريقي والشركة الراعية وجميع البنوك وجميع المحلات الموجودة في سور الزمالك، ومستحقات النادي عند اتحاد الكرة والإذاعة والتليفزيون، واستنكر كل ما يقوم به "عباس"، قائلا: "بتتحرشوا بيا ليه؟".

وتابع رئيس الزمالك: "طب نشتري لاعبيه منين ..وندعم النادي العظيم ده منين طالما أصبحت متكتف في كل مكان ومحدش قال للممدوح عباس تعالى قولنا المليار ده راح في ايه"

شرح مرتضى منصور كيفية حجز ممدوح عباس على مستحقات النادي، قائلاً: "عمل عقد قرض بدون تاريخ وبدون اعتماد مجلس إدارة وكل العقود كده والقانون واللائحة عشان ادي قرض للنادي لازم الوزير والجهة الإدارية توافق ولم يتم عرض الأمر على المديرية وفقا لخطابات من المديرية بتقول لا علم لها بالعقود المزورة اللي عملها ممدوح عباس بعد ما مشي وشيكات ثانية ممدوح عباس بيديها لنفسه بتاريخ 13 يونيه 2007 وده مخالف قانونا ولما يدي نفسه شيك بدون رصيد يبقى ممدوح عباس اللي مدى الشيك بدون رصيد لممدوح عباس برضه المفروض يتحبس لكن خد الشيكات بتاعه 2007 وعمل شيكات جديدة بتواريخ جديدة عشان يحبسني أنا لأنه سرق دفتر الشيكات وسرق الختم ومعمول محضر بكده وعايز اعرف اللي خرب الدولة متساب ليه".

وأكد مرتضى منصور أن مجلس الإدارة عقد الاجتماع رقم 30 يوم 4 مايو 2016 وقررنا نظرا لحجز ممدوح عباس على النادي فتح حساب باسم عضو مجلس إدارة يكون فدائي حتى تدخل الفلوس على حسابه ويسلمها هو بنفس العملة وبعتنا جواب للجهة الإدارية بمحضر الاجتماع لإبداء رأيها واعتمد المحضر يبقى لازم أحمد صالح مدير المديرية يتحبس زي الاثنين الغلابة اللي محبوسين دلوقتي ومعملوش حاجة .

وأقسم رئيس الزمالك على عدم إرسال محاضر مرة أخرى للجهة الإدارية، قائلاً: "عليا الطلاق ما باعت محاضر تاني المديرية لأن اللائحة الداخلية بتاعتنا مفيهاش كده وانا راجل قانون، ولما بعث المحضر بتاع فتح الحساب جاتلي ملاحظات على بنود ثانية غير الحساب وده يبقى اعتماد المحضر وفتحنا الحساب باسم البطل هانى زاده اللي لازم نشكره".

وأضاف، قائلاً: " قالوا إن هانى زاده استفاد من فرق عملة وفلوس لما فتحنا حساب باسمه والبنك بعث جواب ان هانى زاده سلم الفلوس كلها في نفس اليوم وبنفس العملة طب انتو عايزين مننا ايه ؟ عايزني امشي.. مش هيحصل غير لما الجمعية العمومية تقولي امشي".