«خائن الأمانة».. الحلقة الأخيرة من نص محادثات قضية رشوة مستشار وزير المالية (مستندات)

تنشر «صوت الأمة» الحلقة الثانية والأخيرة من نص محادثات طارق فراج محمود عبد الوهاب، مستشار وزير المالية لشئون الضرائب العقارية، ومحمود الفخر الرازي محمود بركة، منتج برنامج البيت بيتك، ورئيس مجلس إدارة شركة «ستار لايت للتنمية العقارية والسياحية»، و2 آخرين، لاتهامهم بطلب وتقاضي مبالغ على سبيل الرشوة.
المتهمون في القضية هم كل من حسب الترتيب التالي: « طارق فراج محمود عبد الوهاب مستشار وزير المالية لشؤون الضرائب العقارية، محمود الفخر الرازي محمود بركة رئيس مجلس إدارة شركة ستار لايت للتنمية العقارية والسياحية، وأمل عبد الوهاب حسن إبراهيم مفتش بالإدارة المركزية للتفتيش الضريبي بمصلحة الضرائب، والناصر جمال محمود بركة محاسب حر» .
وجاءت نص المحادثات كالتالى:
المقطع الرابع: مدته 3 دقائق وست وأربعون ثانية عبارة عن محادثة هاتفية بين شخصين نادى ثانيهما الأول بإسم «محمود» تبادلا التحية فى بدايتها ثم قال محمود «بقولك كان كلمنى الراجل بتاعك..وقالى أنا عايز اجيلك بالليل..قلتله بالليل أنا عندى حاجة خارج فيها..فقالى طب أجيلك أمتى وبتاع..قلتله سبعة..فهيعدى على سبعة..بس هى النقطة..إنت قولتلى على موضوع إن هو متخيل إن الحاجة تطلع..ما ينفعش الحاجة تطلع يا ناصر..أنا كل ده..هو لعب معاية لعبة الإتنين..طلب الخميس..طب بتاع..وأنا برضه هلعب معاه لعبة أنه لا..أنا بجمع..» فقاطعه ناصر قائلا: «لا طب سبنى اتكل مشوية يا محمود..وليك ان انت تختار..الموضوع مافيهوش ألعاب خالص..الموضوع ان احنا لغاية وقتنا هذا..تمام؟..على فكرة أنا ماقولتلوش أى حاجة..قسماَ بذات الله..أنا ما قولتله أى حاجة..هو كلمنى النهاردة..قالى أنا عاوزك ضرورى..قلتله حاضر وبتاع-كلمة غير واضحة-..الموضوع إن هما..لغاية دلوقتى..بالظبط تحديداَ..خد بالك من الرقم اللى أنا هقوله..بيتكلموا إن الدولار يبقى بتمنتاشر وريال..تمنتاشر وتلاتة وعشرين قرش..بدل ما هو يبقى عشرين..انت فاهم أنا بقولك ايه طبعا..تمام؟.
«ادى كل حاجة..وده بيقى ليه مقابل..يعنى هو قاعد بيتكلم دلوقتى..قلتله بص..انا كلام فى التليفون..مش هينفعنى..تعلالى الصيدلية..أنا بس بوصل زياد..عند شارع البطل أحمد عبد العزيز..مقار واقف..اللى هى الفردة اللى نازله فيصل..وهطلع على الصيدلية اقابلة..هما بيبلوا بلاء حسن،، يعنى الدنيا حلوه..» فقاطعه محمود قائلا: «ماشى..حلو قوى..بس ما أنا بقولك أنا موافق كل اللى إنت بتقوله ومش عاوز تفسير للى إنت بتقوله..بس كل اللى انا بقوله يا ناصر ده بينى وبينك..أنا مش هتحرك إلا لما..» فقاطعه ناصر فى ظفر قائلا: «حلو..حلو..ثانية واحدة..أنا أسف..واحنا قاعدين..الكلام ده طلع من بوقك إنت يا محمود..ماشى وأنا معاك يا محمود مش معاهم..» فقاطعه محمود قائلا: «يا سيدى والكلام طالع من بوقى ليوم الدين..خلى بالك كل حاجة فيها مرونة..زى ما هو غصب عنه بيتأجل الميعاد لأسباب كتيرة جدا..وأنا برضه ماما بتبيع اتنين قيراط فى البلد..الله يرحمها» .
المقطع الخامس: مدته دقيقة واحد وثلاثون ثانية، عبارة عن محادثة هاتفية بين شخصين تبادلا التحية فى نهايتها ثم قال الثانى للأول: «أنا بس بكلمة دلوقتى هو فى اجتماع مع مهندسين مردش عليا..والمكتب بتاعه معاه اجتماع مع المهندسين مردش عليا-كلمة غير واضحة..معايا ؟»، فاستوضح الأول «لسة مشغول يعنى» فأجابه الثانى «معاه اجتماع مع مهندسين..فأنا كلمته مردش عليا كلمت المكتب بتاعه..قالى فى اجتماع مع المهندسين..فأنا كلمته مردش عليا كلمت المكتب بتاعه..قالى فى اجتماع مع المهندسين..هيخلصه وهيكلمنى» فقال الأول «طيب..ماشى» فأضاف الثانى «كلمته الصبح قالى..كلمتهم تانى يبعتوا ياخدوا الجواب..الجواب متقفل وجاهز للإستلام يعنى ..قلتله نبعتلك حد قالى ما ينفعش..قالى لازم يستلموه سعادتك» فقال الأأول مؤكدا قول الثانى «هما حتى كانوا بيقولولى يبعتوه فاكس وبتاع قلتلهم لا ده أكيد مش هيعرف يبعته فاكس ده..سرى مقفول يعنى» فقال الثانى «كلمة غير واضحة-أصل فاكس يعنى أيه ؟..كل الناس تشوفه » فقال الأول مؤكداَ «طبعا طبعا » ثم أضاف الثانى « هو بعت لسكرتير عام المحافظة..والسكرتير العام يتصرف براحته» فأضاف الأول « هو يتصرف براحته بقى..يوريه اللى هو عاوز يوريهوله..أنا بس عايز اطمن منك انه اتحرك ولا لا ..هى دى ..هو ده الخبر» وانهيا المحادثة .


اقرأ أيضا :
«من طأطأ لسلام عليكم».. ننشر نص محادثات قضية رشوة مستشار وزير المالية (مستندات)