بالصور.. عمرو يوسف يروى تفاصيل تعرضه للموت فى «هيبتا»

كشف الفنان عمرو يوسف، عن أخطر مشهد واجههه وعرض حياته للخطر، أثناء تصويره لفيلمه الأخير «هيبتا _المحاضرة الأخيرة»، والذى طرح فى أبريل الماضى، وذلك من خلال صفحته على موقع الصور «إنستجرام»، حيث نشر صورتين، يروى خلالهما خطورة مشهد أثناء وقفوه على سور البلكونة.
وكتب قائلًا: «بحكي الحكاية دي عشان اتسألت كتير عن المشهد ده وإذا كان بجد ولا جرافيك، في الصورة اللي قبل دي في ونش وأنا مربوط بحبل في الونش ده والحبل مش مشدود عشان يسمحلي بحرية الحركة علي السور بس في حالة الوقوع الحبل يتشد فنتفادي الموت بس ممكن شوية كسور».
وأضاف: « وفجأة قرر هادي الباجوري أنه عايز يصور شوت واسع بس لازم في الحاله دي نشيل الونش عشان ميظهرش في الكاميرا وساعتها الحبل بقي مربوط في دراع بني ادم بدل الونش، ده أسمه (اندرو ماكينزي) من اشهر الناس في الشغلانة دي ثقتي فيه خليتني احط حياتي في ايديه وبس.. وكمان وده الأهم أن اللي بيحب شغله ممكن يعمل اي حاجة عشان يطلعه في احسن صورة لأن حقيقي ماكنش في حاجة في الدنيا ممكن تخليني اعمل كده غير حبي لشغلي واحساسي إني عايز أطلعه في بأحسن شكل».